BØA111 Matematikk for økonomar

Innhald og oppbygging

Emnet skal gi det nødvendige matematikk-grunnlaget for dei andre emna i studiet og knyte matematikk-kunnskapane til problemstillingar innan samfunns- og bedriftsøkonomi. Emnet bør derfor kome i 1. semester. Det er eit sentralt mål for emnet å utvikle studentanes evne til logisk og analytisk tenking. Dette skal gi grunnlag for å forstå matematisk modellering i økonomiske samanhengar og for å kunne arbeide med problemorienterte oppgåver. Emnet skal gi inngåande kunnskapar og ferdigheiter knytt til dei angjevne tema. Emnet er basert på gode forkunnskapar i matematikk frå VGS (det anbefales S1+S2 eller tilsvarande) og målet er å gi eit betydeleg løft i forhold til dette grunnlaget.

Innhald

• Grunnleggande algebra, inkludert løysing av ulikskapar, likningar og system av likningar.
• Analyse av éin-variabel funksjonar som polynomfunksjonar, rasjonale funksjonar, eksponentialfunksjonar, logaritmiske funksjonar og kombinasjonar av desse. Denne analysen skal omfatte: nullpunkt, asymptotar, grenseverdiar, kontinuitet, derivasjon, ekstremverdiproblem og elastisitet.
• Analyse av ulike funksjonstyper av fleire variablar, inkludert Cobb-Douglas-funksjonar og funksjonar med eksponensial- og logaritmeelement. Denne analysen omfattar det å finne og klassifisere stasjonære punkt, å finne maksimum og minimum under sidevilkår, inkludert bruk av Lagranges metode.
• Analyse av aritmetiske og geometriske rekker, konvergens og sum av geometriske rekker.
• Analyse og utrekningar innan finansmatematikk, inkludert annuitetar, nedbetaling av lån, oppsparingsannuitetar og noverdi.
• Innføring i grunnleggande integralrekning, både bestemt og ubestemt integral, for dei einvariabel funksjonstypane som inngår i kurset.

Læringsutbytte

Kunnskap:

• studenten har kunnskap om grunnleggande matematiske omgrep
• studenten har kunnskap om drøfting av funksjonår, både funksjonar av éin og to variablar
• studenten har kunnskap om matematisk modellering innan økonomiske samanhengar
• studenten har kunnskap om bruk av renterekning og rekker til berekningar knytt til annuitetar
• studenten kjenner til integralrekning
• studenten har kunnskap om system av lineære likningar

Ferdigheiter:

• studenten beherskar grunnleggande algebra
• studenten kan analysere ulike typar matematiske funksjonar, både funksjoner av éin og to variablar
• studenten kan nytte matematikk og matematiske modellar i drøfting av økonomiske problemstillingar
• studenten kan nytte renterekning og rekkjer til å berekne annuitetar og løyse problem innan finansmatematikk knytt til nedbetaling av lån, oppsparingsannuitetar og noverdi
• studenten kan nytte grunnleggande integralrekning
• studenten kan løyse ulikskapar, likningar og system av lineære likningar

Generell kompetanse:

• studenten kan bruke kunnskapen i matematikk som grunnlag for utrekningar innan økonomifaget og i andre emne i studiet
• studenten forstår dei matematiske utrekningane som vert brukt i emne der det inngår berekningar av ulike slag

Krav til forkunnskapar

Ingen

Tilrådde forkunnskapar

Emnet krev gode forkunnskapar i matematikk. Emnet byggjer på kunnskapar tilsvarande S1+S2 frå videregåande skule eller tilsvarande. Studenter med dårlegare forkunnskapar må berekne betydeleg ekstra arbeidsinnsats.

Undervisnings- og læringsformer

Førelesingar og rekneøvingar

Obligatorisk læringsaktivitet

Ingen

Vurderingsform

Del 1: Skriftleg skuleeksamen, 2 timar, tel 30 % på endeleg karakter. Avholdes midt i semesteret.

Del 2: Skriftleg skuleeksamen, 4 timar, tel 70 % på endeleg karakter.

Karakterskala A-F, der F svarar til ikkje bestått.

Begge delane må vere bestått for å få karakter i emnet. Ved ikkje bestått på ein av delane, kan den delen takast opp att åleine.

Hjelpemiddel ved eksamen

Godkjend enkel kalkulator: Sjå på lenka under kva for nokre kalkulatormodellar som er godkjende.

Meir om hjelpemiddel

Fagleg overlapping

• LOØMA1 - Matematikk I - Reduksjon: 6 studiepoeng
• MA6-100 - Matematikk - Reduksjon: 5,5 studiepoeng
• ME6-1000 - Matematikk for økonomar - Reduksjon: 7,5 studiepoeng
• RE001 - Matematisk analyse - Reduksjon: 7,5 studiepoeng
• SA066 - Matematikk - Reduksjon: 6 studiepoeng
• ØKB020 - Grunnleggjande matematikk - Reduksjon: 6 studiepoeng
• ØKB1020 - Matematikk - Reduksjon: 7,5 studiepoeng
• ØMO001 - Matematikk - Reduksjon: 7,5 studiepoeng