Forkurs | nett- og samlingsbasert

Det blir ikkje tatt opp nye studentar til forkurs på nett. Du kan søke på forkurs med undervisning i Bergen. 

Kva er forkurs?

Dette er eit nett- og samlingsbasert forkurs for deg som har yrkesfag, men manglar generell studiekompetanse. Med dette kurset kan du søke på alle ingeniør- og sivilingeniørutdanningar, samt maritime høgskuleutdanningar i Noreg. 

Samlingane og eksamen går føre seg ved studiestaden du får opptak til: Bergen, Førde eller Haugesund.

Faga som inngår i kurset er:

• Matematikk 
• Fysikk 
• Norsk 
• Engelsk 
• Teknologi og samfunn 

For å lukkast i kurset krevst det sterk motivasjon og ein høg arbeidsinnsats gjennom heile semesteret.

Du kan søke støtte frå Lånekassen for å ta forkurset. 

Om du ikkje ønskjer å ta forkurset på nett, kan du ta forkurset fysisk i Bergen.

Har du generell studiekompetanse?

Då treng du berre matematikk og fysikk. Her har du fleire moglegheiter: 

• Realfagskurs | Halvårleg fulltidsstudium 
• Realfagskurs | Nett- og samlingsbasert, deltid over eit år

Kvifor bli ingeniør?

Kva er eigentleg ein ingeniør og kva jobbar dei med? 

Les meir her!

Korleis er undervisninga?

Det blir lagt opp til varierte undervisningsformer både på nett og på samlingar. Dette inkluderer forelesningar, laboratoriearbeid, rekneøvingar og sjølvstudium. For realfaga matematikk og fysikk, legg vi opp til tre dagar lange samlingar ein gong i månaden. Totalt blir det åtte samlingar.

I samband med laboratoriumsundervisning vil ei av samlingane bli obligatorisk. Du møter då på studiestaden du har fått opptak til: Bergen, Førde eller Haugesund.

I faga norsk, engelsk, teknologi og samfunn tilbyr vi nettundervisning. Det er Metis Privatistskole Bergen som står for gjennomføringa av nettundervisninga i desse faga, på vegne av Høgskulen på Vestlandet.

Det er spesielt viktig at du møter på den første samlingsdagen på campus. Her får du nyttig informasjon om kursets oppbygging på den digitale plattforma. Du blir kjent med faglærarar og medstudentar, du får delta i diskusjonar om studieteknikk, og du får ein god start på arbeidet med første del av pensum i realfaga.

For å lukkast med kurset er det viktig å vere aktiv på samlingane og følgje mest mogeleg av undervisninga som går føre seg på nett.

På Høgskulen på Vestlandet blir du ein integrert del av eit levande og engasjert studentmiljø der aktiv deltaking og fellesskap står i sentrum.

Kva er forskjellen på forkurs og realfagskurs?

Forkurset er for deg som ikkje har generell studiekompetanse, og inneheld derfor fleire fag enn realfagskurset: matematikk, fysikk, norsk, engelsk og teknologi og samfunn. 

Realfagskurset er for deg som har generell studiekompetanse, men manglar fordjupning i matematikk og fysikk.