Studieplan - Logistikk

Årseininga i Operations & Supply Chain Management (Logistikk) legg vekt på utviklinga av naudsynte ferdigheiter som analytisk tenking, problemløysing, avgjerdstaking, kommunikasjon og samarbeid. Desse kompetansane er avgjerande for effektiv operasjons- og forsyningskjedeleiing i ein kompleks og stadig skiftande forretningsverd. Programmet gjev ei omfattande, relevant og oppdatert utdanning som førebur studentane på dei utfordringane og moglegheitene som finst i moderne logistikk og forsyningskjedeleiing

Opptakskrav

For opptak til studiet krevst høgare utdanning med minimum 120 studiepoeng innan teknologiske, økonomiske eller IT-relaterte fag, inkludert grunnleggande kunnskapar i bedriftsøkonomi, statistikk og organisasjonsfag.
Studentar som manglar samfunnsvitskapleg metode må ta ØMO111 Samfunnsvitskapleg metode i haustsemesteret.

Læringsutbytte

Kunnskap:
Etter å ha fullført og bestått studiet vil studentane:

• Ha djup forståing av planlegging, design, gjennomføring og kontroll av operasjonar og forsyningskjeder for effektiv produksjon av varer og tenester.
• Ha inngåande kunnskap om strategiar og praksisar innan innkjøp, distribusjon, kunnskapsstyring og implementering av nye teknologiar.
• Ha ei heilskapleg forståing av økonomisk berekraft, global operativ leiing og etisk og sosialt ansvar i ein global kontekst.

Ferdigheiter:
Studentane vil kunne:

• Identifisere og løyse komplekse operasjonelle og logistiske problem, og effektivisere forsyningskjedeprosessar.
• Anvende teoretisk kunnskap i praktiske scenario og bruke moderne teknologiar for å auke operasjonell effektivitet og berekraft.
• Handtere prosjektleiing og ta berekraftige og strategiske avgjerder.
• Bygge komplementære ferdigheiter innan samarbeid, kommunikasjon og tverrfagleg problemløysing. Dette inneber evna til å:
  • Arbeide effektivt i team.
  • Kommunisere komplekse idear klart til ulike målgrupper.
  • Bruke innsikt frå fleire fagområde for å utvikle heilskaplege løysingar.

Generell kompetanse:

• Utvikle ei heilskapleg forståing av betydninga av operasjons- og forsyningskjedeleiing for organisasjonar sin suksess og lønsemd.
• Ha medvitenheit om etiske omsyn og sosialt ansvar.
• Ha evna til å leie og administrere innovasjon og endringar i forsyningskjeder.

Innhald

Studiet har eit omfang på 60 studiepoeng fordelt over to semester.

Studentane vel fem av følgjande seks emne:

• ØAL117: Operations & Supply Chain Management
• ØAL118: Operasjonell strategi og utføring
• ØAL119: Supply Chain Management – Innkjøp og distribusjon
• ØAL120: Kunnskapsstyring i forsyningskjedeleiing
• ØAL121: Nye teknologiar i operasjons- og forsyningskjedeleiing
• ØAL122: Eco Global Operational Management (undervising på engelsk)

Praksis

Som eit alternativ til bacheloroppgåva (ØMF190 eller ØMF199) kan studentane gjennomføre eit internship på 240 timar, fordelt over vårsemesteret. Dette gir moglegheit til å kombinere teoretisk kunnskap med praktisk erfaring frå arbeidslivet.

Arbeidsformer

Undervisinga kombinerer førelesingar, oppgåver/caseløysingar og gruppearbeid. Gjesteførelesingar frå erfarne fagpersonar og bedriftsbesøk gir studentane direkte innsyn i korleis teori blir brukt i praksis.
Oppgåveseminar og bedriftsbesøk har obligatorisk frammøte.

Vurderingsformer

Vurderingsformene varierer mellom emna og inkluderer skriftlege eksamenar, munnlege presentasjonar, prosjektoppgåver og praktiske caseløysingar. Sjå emneskildringane for detaljar.

Internasjonalisering

Dette er eit eittårig tilbod og det blir derfor ikkje lagt opp til studentutveksling i løpet av studiet.

Organisering

Studiet går over to semester og omfattar 30 studiepoeng i kvart semester.

I vårsemesteret skriv studentane bacheloroppgåve/hovudprosjekt på 15 studiepoeng. Desse blir skrivne i grupper på 3–4 studentar. Sjå emneskildringar for bacheloroppgåver: ØMF190 og hovudprosjekt: ØMF199. Alternativt kan ein velje Internship i ei bedrift og praksisrapport.