Opptakskrav og søknad
Opptakskrav
Bachelorgrad i geologi/geovitenskap
Søknadskode
1414
Slik søker du:
-
- Logg inn i SøknadsWeb.
- Oppdater «Min profil» og trykk «Neste».
- Velg «Ingeniør, maritim og klima».
- Trykk på «Søk» under «Videreutdanning høst 2025».
- Velg studiet du vil søke på fra lista (se søknadskode over).
- Trykk på «Legg til» og «Send inn søknad».
- Last opp dokumentasjon på at du dekker opptakskravet.
- Trykk «Neste» for å gjøre ferdig søknaden.
Om å søke opptak til HVL
Kvifor studere overvaking av ustabile fjellsider?
Norge har mange fjellsider som er i rørsle. I dag blir ti av desse overvaka kontinuerleg med ulike typar instrument. Opp i gjennom historia har kollapsa fjellsider ført til mange omkomne, særleg på grunn av tsunamiar utløyste av fjellskred som har gått ned i fjorden eller i ein innsjø.
Ved å læra om korleis fjellsider bevegar seg og korleis desse kan instrumenterast kan ein vera med å laga overvakingssystem som kan varsla når eit fjellparti nærmar seg ei utgliding. Målet er at ingen skal omkomma i nye fjellskred i Noreg.
Kva lærer du?
Dette kurset er på masternivå. Ved å gjennomføre vidareutdanninga vil du lære:
- Om geologiske forhold og modellar som forklarar bevegelsen til ustabile fjellparti.
- Om instrument som blir brukt til å overvake ustabile fjellsider: Radar, tiltmeter, extensometer, laser, totalstasjon, DGPS-nettverk og boreholsinstrumentering.
- Å tolke data innsamla med ulike typar instrument, og forstå kvaliteten på datamateriale når det gjeld nøyaktigheit og presisjon.
- Åtolke terrengmodellar og flyfoto for å lokalisere ustabile fjellsider og kunne planlegge eit tenleg overvakingssystem basert på bevegelsen (type instrument, plassering m.m.).
Les meir om kva du lærer i emneplanen GE4-305 Overvaking av ustabile fjellsider
Målgruppe
Målgruppa er masterstudentar i geologi og geologar i arbeidslivet med godkjent bachelorgrad i geologi.
Praktisk informasjon
Undervisningsform
Undervisninga er forelesingar, felttur og oppgåveløysing med presentasjon, og blir gitt på norsk.
Vi har felttur til det ustabile fjellpartiet «Stampa» – Joasetebergi, mellom Aurland og Flåm, i lag med geologar frå NVE. Vi undersøker geologien og instrumenta som måler bevegelsen i fjellsida.
Etter feltarbeidet jobbar vi i grupper med ulike datasett som er samla inn på Stampa, eller datasett frå andre ustabile fjellsider i Noreg. Alternativt kan gruppa ta utgangspunkt i eit ustabilt fjellparti i Noreg som per i dag ikkje er overvaka, og lage eit oppsett/forslag for eit overvakingssystem for dette fjellpartiet. Gruppearbeidet skal presenterast munnleg.
Samlingar
Det blir både undervisning og arbeid med oppgåver i klasserom ved campus Sogndal, samt feltpraksis i 2025.
Datoar:
- Måndag 02.06: Kl. 12.00-16.00, førelesingar ved campus Sogndal
- Tysdag 03.06: Kl. 09.15-16.00, førelesingar ved campus Sogndal
- Onsdag 04.06: Feltpraksis/ekskursjon – heile dagen (0900-1800)
- Torsdag 05.06: kl. 09.15-16.00, arbeid med gruppeoppgåver, ved campus Sogndal
- Fredag 06.06: Kl. 09.15-13.00, presentasjonar, ved campus Sogndal
Eksamensform
Eksamen er i august, og er todelt. I del 1 skal du skrive ein populærfagleg artikkel på norsk. Del 2 er ein skriftleg digital heimeeksamen.
Om del 1: Du skal skrive ein populærfagleg artikkel om forskinga og resultata frå ein av fagartiklane i pensumlista. Artikkelen skal vere retta mot ikkje-ekspertar. Lengda skal vere mellom 4 500 og 6 000 teikn med mellomrom.
