Opptakskrav og søknad
Opptakskrav
Barnehagelærarutdanning/førskulelærarutdanning. Tilsette med lærarutdanning (grunnskule-/allmennlærar, faglærar, eller praktisk-pedagogisk utdanning) er og kvalifiserte. Andre tilsette i barnehagane med anna relevant 3-årig bachelorutdanning utan PPU kan søkje opptak.
Deltakarane i utdanninga må delta i kompetanseutviklinga i forskingsprosjektet MoveEarly i studieperioden.
Om å søkje opptak
Trykk knappen «Søk studieplass» eller gå inn via søknadsweb. Vel rad for «Oppdrag».
Om å søke opptak til HVL
Kvifor studere Bevegelse, leik og utforsking i barnehagen?
I denne vidareutdanninga vil du auke kompetansen din når det kjem til samanhengar mellom bevegelse, leik og utforsking på den eine sida, og barna si heilskaplege utvikling, læring, helse og trivsel på den andre. Du vil også lære om korleis barnehagen kan leggje til rette for og integrere bevegelse, leik og utforsking i ulike fagområde. Pedagogisk utviklingsarbeid er sentralt, der kompetansen du utviklar delast i eigen barnehage og med andre barnehagar
Kva lærer du?
Ved å gjennomføre denne vidareutdanninga vil du:
- Få tverrfagleg teoretisk kunnskap om bevegelse, leik og utforsking, og ulike perspektiv på korleis desse omgrepa kan forståast
- Lære å leggje til rette for, støtte og utvikle barn sin bevegelse, leik og utforsking.
- Arbeide med å planleggje, gjennomføre og kritisk reflektere over tiltak for bevegelse, leik og utforsking i barnehagen.
Les meir om kva du lærer i emneplanen
Målgruppe
Tilsette i barnehagar som deltek i MoveEarly
Undervisningsform
Fysiske samlingar på høgskulen (Campus Bergen) og nettudervisning.
Arbeidsmåtar vil veksle mellom førelesningar, praktisk aktivitet, diskusjon i grupper og sjølvstendig refleksjon. Emnet vil ha obligatoriske læringsaktivitetar knytt til utøvingsarbeid i eigen barnehage.
Samlingsdatoar
Vi kjem tilbake med meir informasjon om samlingar.
Tilrådde forkunnskapar
Ingen.
Pensum
Du mottek informasjon om pensum når kurset startar.
Eksamensform
Praktisk gruppeeksamen. Studentane får ei gruppeoppgåve som skal løysast og presenterast munnleg, med avsluttande samtale.
