BØA113 Innføring i bedriftsøkonomi og rekneskap
Emneplan for studieåret 2021/2022
Innhald og oppbygging
Bedriftsøkonomi med rekneskap inneheld to delar: ein del innan rekneskap og ein del innan bedriftsøkonomi. I rekneskapsdelen skal ein gjera studentane i stand til sjølve å kunne føre ein enkel rekneskap. I bedriftsøkonomidelen skal studentane tileigne seg kunnskapar og ferdigheiter slik at dei kan hente inn, analysere og kommunisere relevant informasjon som grunnlag for å ta gode val til beste for bedrifta.
Kurset inneheld:
- Balanselæra
- Praktisk rekneskapsføring
- Registrering av forretningstilfelle
- Periodisering
- Presentasjon av finansrekneskapen
- Innføring i målereglar og god rekneskapsskikk
- Kostnadsomgrep
- Kostnadsfordeling og kalkulasjonsprinsipp
- KRV-analysar
- Bedriftsøkonomiske avgjerdsproblem
- Prisavgjerer og marknadstilpassing
- Produktval med ingen og med ein knapp faktor
Læringsutbytte
Kunnskap
Studentane kjennar:
- føremålet med ein finansrekneskap
- standard kontoplan
- samanhengen mellom transaksjonar og den innverknaden desse har på resultat og balanse
- omgrepa utgifter, kostnader, utbetalingar, inntekter og innbetalingar
- effektar av behaldningsendringar
- den rolla som økonomifunksjonen har i bedrifta og kunne drøfte dei grunnleggande trekka ved økonomisk styring av verksemda
- kostnadsomgrepet og kostnadars variabilitet
- ulike prinsipp for produktkalkulasjon
- dei grunnleggande føresetnadene for og manglane ved dei tradisjonelle kalkulasjonsmetodane
Ferdigheiter
Studentane kan:
- bokføre dei mest vanlege transaksjonane, mellom anna meirverdiavgift
- gjera vanlege periodiseringsposteringar
- gjennomføre eit årsoppgjer med enkle posteringar i samband med årsoppgjeret og disponering av resultat
- gjennomføre kostnads-, resultat- og volumanalysar
- gjera enkle analysar av optimale produktval i situasjonar med avgrensa ressurstilgang
- utarbeide kalkylar etter sjølvkost- og bidragsprinsippet
- identifisera relevante kostnader og inntekter og kunne løyse ulike utfordringar med fokus på å ta gode val
- finne korleis bedrifter bør tilpasse seg i ulike marknadssituasjonar
Generell kompetanse
Studenten har grunnlag for vidare fordjuping innan fagområdet
Krav til forkunnskapar
Ingen
Tilrådde forkunnskapar
Ingen
Undervisnings- og læringsformer
Førelesningar og oppgåveseminar
Obligatorisk læringsaktivitet
To arbeidskrav - innleveringar eller anna aktivitet
Vurderingsform
Skriftleg skuleeksamen 4 timar.
Eksamen kan bli gjennomført på digitalt eksamenssystem.
Hjelpemiddel ved eksamen
Alle kalkulatormodeller er tillatt, med følgende unntak
- kalkulatoren skal ikke ha mulighet for mottak/sending
- kalkulatoren skal ikke kunne behandle symbolske matematiske uttrykk
- kalkulatoren kan ikke kobles til strømnettet
- kalkulatoren må ikke lage støy
https://www.hvl.no/student/eksamen/hjelpemiddel-ved-eksamen/
Meir om hjelpemiddel