Opptakskrav og søknad
Opptakskrav
Studiekode i Samordna opptak
203246
Poenggrense ved forrige opptak
- Ordinær kvote alle kvalifiserte
- Førstegangsvitnemål alle kvalifiserte
Om å søke opptak til HVL
Kvifor studere jus?
Studiet gir deg ei innføring i juridisk metode og i et utval av juridiske emne. Du får utvikla di evne til å identifisere, sortere og løyse problemstillingar, og god trening i skriftleg framstilling, utgreiing, drøfting og analyse. Dette er ferdigheiter som kjem godt til nytte i dei fleste stillingar.
I studiet lærer du om:
- Juridisk metode, som er den framgangsmåten juristar brukar for å løyse rettsspørsmål. Dette er også ein generell metode for sakleg og strukturert argumentasjon, som kan vere nyttig innanfor andre område enn jus.
- Innhaldet i rettsreglar på område som kontraktsrett, arv- og familierett, erstatningsrett og tings- og immaterialrett.
- Korleis rettssystemet er bygd opp.
- Korleis tolke rettsreglar og nytte dei til å løyse rettslege problemstillingar.
Du kan studere bachelor i økonomi og jus ved campus Sogndal - eit aktivt og inkluderande studiemiljø tett på natur, fag og framtidige arbeidsgivarar. Studiet passar for dei som studerer på heiltid i Sogndal og prioriterer studiane høgt.
Kva kan du jobbe med?
Med årsstudium jus vil du opparbeide deg ferdigheiter som vil verdsettast nesten uansett kva slags arbeidsoppgåve du får. I tillegg vil dine grunnleggande juridiske kunnskapar vere nyttige for arbeidsgivarar både i offentleg og i privat sektor.
Du vil kunne bruke din juridiske kompetanse til å identifisere rettslege problemstillingar og løyse nokre av dei, og du vil kunne vere eit viktig bindeledd mellom arbeidsgivar og spesialisert juridisk kompetanse der det er nødvendig.
Korleis er undervisninga?
Læringsaktivitetane er varierte og består av førelesingar, seminar, gruppearbeid, øvingsoppgåver og munnlege presentasjonar. Teori blir kopla til praksis gjennom arbeid med relevante problemstillingar.
Vidare studium etter fullført utdanning
Etter fullført årsstudium kan du søke opptak direkte til 2. år på bachelor i økonomi og jus ved HVL.
Om du ønskjer å halde fram med juridiske studiar ved andre studiestader, kan søke om fritak/innpass for eksamenar du allereie har gjennomført ved HVL. Du må undersøke desse mogelegheitene nærare med den gjeldande utdanningsinstitusjonen. Ta kontakt med studierettleiar for meir informasjon.
