Laptop som instrument og laptop som prosjektstudio

Vidareutdanning på bachelornivå

Vil du lære å lage musikk digitalt? I tett samarbeid med elektronikaduoen MuteMode har HVL utvikla to praktiske emne der du skaper og framfører musikk med din eigen PC. Her vil du lære korleis du kan kombinere kompetansen din på eige instrument, med digitalt produksjonsverktøy.

Nettstudium

Studiepoeng

7,5 studiepoeng

Varighet

0,5 år

Omfang

Deltid

Studieavgift

Studieavgift: Nei
Semesteravgift: Ja

Søknadsfrist

15.april

Søk studieplass

Opptakskrav

Generell studiekompetanse

Sjå tilrådd forkunnskap under praktisk informasjon.
LPT802 Laptop som instrument, høst 2026

Korleis søke:

Logg inn i Søknadsweb.
Vel opptak "Lærar, barnehagelærar og tolking".
Vel så "Vidareutdanning pedagogiske fag/lærarutdanning haust 2026".
Vel studiet du vil søke på frå lista (sjå studienummer under).
Trykk på "Legg til" og "Send inn søknad".
Last opp dokumentasjon på at du dekker opptakskravet.
Trykk "Neste" for å gjere ferdig søknaden.

Viktig informasjon om søknad, frister og dokumentasjon

Har du utenlandsk utdanning?
Søkere som har utenlandsk utdanning fra land utenfor Norden, må dokumentere at de oppfyller krav til norsk- og engelskkunnskaper.

Om ledige studieplassar

Viss det blir ledige studieplassar når søknadsfristen går ut vert studiet lagt ut på ledige studieplasser og tilbod om plass blir gitt fortløpeande til kvalifiserte søkjarar fram til det er fullt eller til studiet startar opp.

Studiekode i Søknadsweb

LPT802 er 8527

Om å søke opptak til HVL

Kvifor studere laptop som instrument, og laptop som prosjektstudio?

Desse to emna er for deg som vil undervise i musikkteknologi, eller som sjølv vil lære om musikkproduksjon for å utvikle ditt eige musikalske uttrykk. Styrk din kompetanse i å lære bort musikk på ein engasjerande og innovativ måte.

Kva lærer du og korleis er emna bygd opp?

Dei to emna vi tilbyr er på 7,5 studiepoeng kvar. Du kan velje om du vil ta eitt eller begge emna. Her finn du også informasjon om eksamen:

Laptop som prosjektstudio (LPT801) (Vår 2028)
Laptop som prosjektstudio gir deg grundig opplæring i bruk av programvara Ableton Live på eiga laptop, med vekt på å kunne komponere og produsere musikk.

Laptop som instrument (LPT802) (Haust 2026)
Laptop som instrument gir deg ferdigheiter i å bruke Ableton Live i musikalsk framføring. Sentralt i emnet er forståinga av korleis ein laptop kan bli brukt som eit fleksibelt instrument på sine eigne premissar.

Målgruppe

Studiet er spesielt relevant for musikarar som vil utvikle sin digitale kompetanse og for tilsette i grunnskule, vidaregåande eller kulturskule, som ønskjer å videreutvikla musikkundervisninga si.

Praktisk informasjon

Dette er individuelt sjølvstudium basert på faginnhald publisert som tekst og video, praktisk arbeid på eigen laptop, deltaking i diskusjonsforum, 1 time felles undervisning per veke i zoom/teams.

Gjennom semesteret skal du levere 8 oppgåver i form av lyd eller video, refleksjonstekst samt skjermbilete som dokumenterer arbeidsprosessen på eiga datamaskin. I refleksjonstekstane vert det vektlagt at du diskuterer eigne musikalske val, grunngjeving av desse, samt refleksjon kring eigen læringsprosess.

Du skal delta aktivt i studiet sitt eige diskusjonsforum ved å poste/svare på spørsmål.

Undervisning på nett haust 2026 (LPT802):

Fyrste leksjon blir publisert den 24.8 -26, og den fyrste nettundervisningsøkta er den 27.8 -26 kl. 15:00.
Nettundervisninga vert lagt til torsdagar frå kl. 15:00 - 16:00. Desse vert spelt inn og gjort tilgjengeleg i etterkant til dei som ikkje kan møte.

Emnet er heildigitalt med undervisning på nett ein time i veka, dei 8 vekene det vert publisert nye leksjonar.
___________________________________________

Undervisning på nett vår 2026 (LPT801):
22.1 kl. 15:00 - 16:00 (oppstart)
5.2 kl. 15:00 - 16:00
19.2 kl. 15:00 - 16:00
5.3 kl. 15:00 - 16:00
19.3 kl. 15:00 - 16:00
31.3 kl. 15:00 - 16:00
16.4 kl. 15:00 - 16:00
30.4 kl. 15:00 - 16:00

Innlevering av vurderingsmappe den 15.5

Det er ingen krav til forkunnskap, men studenten må ha eigen laptop med Abelton Live versjon 12. Lydkort, mikrofon og headset, samt keyboard eller ein annan kontrollar, til dømes Launchpad.

Du får meir informasjon om pensum ved studiestart.

La vidareutdanninga vere del av ein bachelorgrad

Du kan søke om innpass for Laptop som prosjektstudio (LPT801) i Bachelor i kunstfag – visuell kunst.

Kvifor ta meir utdanning?

Eit arbeidsliv i rask endring er ei viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi: