Psykisk helse- og rusarbeid | tverrfaglig videreutdanning

Vidareutdanning på masternivå

Har du behov for å opparbeide eller utvikle din faglege kompetanse innan psykisk helse- og rusarbeid? Ønsker du å bidra til utvikling og kvalitetsheving av tenestetilboda retta mot denne målgruppa? Denne vidareutdanninga er for deg som arbeider eller ønsker å arbeide med menneske med psykisk helse- og/eller rusmiddelvanskar.

Sogndal/Førde, Bergen, Haugesund.

Studiepoeng: 60
Oppstart: Haust 2026
Varighet: 2 år
Omfang: Deltid
Studieplan: Studieplan 2025/2026
Studieavgift: Kun semesteravgift
Søknadsfrist: 15. april 2026

Søk studieplass

Opptakskrav

Bachelorgrad som gir yrkestittel sosionom, vernepleiar, barnevernspedagog, sjukepleiar, fysioterapeut eller ergoterapeut.

eller:
Annan bachelorgrad innan helse- og sosialfag, psykologiske, eller pedagogiske fag og minst 1 års relevant yrkeserfaring innan psykisk helse-, rus- og avhengigheitsarbeid etter fullført utdanning.

Søknadskode

1710 (Sogndal/Førde), 2008 (Bergen), 1626 (Haugesund)

Slik søker du

- Logg inn i SøknadsWeb.
- Oppdater "Min profil" og trykk "Neste".
- Vel "Helse- og sosialvitenskap".
- Trykk på "Søk" under "Master/videreutdanning i helse- og sosialfag høst 2026".
- Vel studiet du vil søke på fra lista (se søknadskode over).
- Trykk på "Legg til" og "Send inn søknad".
- Last opp dokumentasjon på at du dekker opptakskravet.
- Trykk "Neste" for å gjøre ferdig søknaden.

Viktig informasjon om søknad, frister og dokumentasjon

Rangering og poeng

Rangering blir gjort på grunnlag av karakterar, og det blir gitt tilleggspoeng for høgare utdanning.
Det blir ikkje gitt poeng for arbeidspraksis.

Informasjon om utrekning av poeng

Poenggrense ved forrige opptak

Førde/Sogndal: 20,0
Bergen: 34,10
Haugesund: Ikke opptak 2025

Tilleggskrav

Studiet har krav om politiattest. Du skal ikkje dokumentere dette i søknaden din, men du må sende det inn viss du får studieplass.

Om å søke opptak til HVL

Bli med på digitalt informasjonsmøte om tverrfaglig master og videreutdanning i psykisk helse- og rusarbeid 20. mars kl. 12.00-13.00.

Kvifor studere tverrfagleg vidareutdanning i psykisk helse- og rusarbeid?

Psykiske helseproblem og rusmiddelrelaterte vanskar er utbreidde og berører mange menneske i ulike livssituasjonar. Arbeid på dette feltet er viktig for å sikre deltaking, livskvalitet og likeverdige tenester, både for den enkelte og for samfunnet som heilskap.

Ved å ta denne vidareutdanninga vil du utvikle kompetansen din innan praktisk og klinisk arbeid på individ-, gruppe- og systemnivå. Du vil også tileigne deg samhandlingskompetanse som kan gjere deg til ein viktig bidragsytar, koordinator eller leiar for tverrfaglege team eller tenester.

Kva lærer du?

Ved å gjennomføre denne vidareutdanninga vil du lære om:

Ulike perspektiv og kontekstar for å få ei heilskapleg forståing av fenomena psykisk liding og rusmiddelproblem, og fagfeltet som heilheit.
Politiske føringar, organisatoriske rammar, etiske og rettslege omsyn i møte menneske med psykisk helse-, rus-, og avhengigheitsvanskar og familiane og nettverket deira.
Kommunikasjons- og samhandlingsprosessar innan relasjonelt og tverrfagleg psykisk helse-, rus- og avhengigheitsarbeid.
Forebyggande, behandlande og rehabiliterande arbeid med psykisk helse-, avhengigheits- og rusmiddelproblem.
Tilrettelegging for relasjonar som kan fremme hjelp og støtte til menneske med psykiske helse- og/eller rusmiddelvanskar, deira familiar eller pårørande, nettverk og samarbeidspartnarar.
Teori og metode knytt til kommunikasjon, relasjon og samhandling.
Å utvikle prosjekt som kan bidra til kvalitetsforbetring, innovasjon og nyskaping.

Målgruppe

Denne vidareutdanninga er for deg som er sosionom, vernepleiar, barnevernspedagog, sjukepleiar, fysioterapeut, ergoterapeut eller har ein annan bachelorgrad innan helse- og sosialfag, psykologiske eller pedagogiske fag.

Praktisk informasjon

Tverrfagleg videreutdanning i psykisk helse- og rusarbeid er eit fleksibelt studium. Utdanningsplanen er satt til normert studietid på 2 år (deltid), men det er mogeleg å ta studieprogrammet på ett år for studentar som har fått opptak på campusane: Bergen og Førde/Sogndal. Det er ikkje mogeleg å gjennomføre studiet på heiltid for studentar med opptak campus Haugesund.

Justering av utdanningsplanen gjer du i Studentweb i perioden for semesterregistering, med frist 1. september og 1. februar.

Emnerekkefølje for vidareutdanninga på deltid over 2 år:

· TPHR501 Perspektiv på psykisk helse, rusmiddelbruk og avhengigheit, 15 studiepoeng (haust 1. semester)

· TPHR502 Forebygging, behandling og omsorg, 15 studiepoeng (vår 2. semester)

· TPHR503 Etikk, relasjon og samhandling, 15 studiepoeng (haust 3. semester)

· TPHR504 Fagutvikling og praksis, 15 studiepoeng (vår 4. semester)

Emnerekkefølje for vidareutdanninga på heiltid over 1 år:

Haustemne i første semester, 30 studiepoeng:

· TPHR501 Perspektiv på psykisk helse, rusmiddelbruk og avhengigheit, 15 studiepoeng

· TPHR503 Etikk, relasjon og samhandling, 15 studiepoeng

Våremne i andre semester, 30 studiepoeng:

· TPHR502 Forebygging, behandling og omsorg, 15 studiepoeng (vår 2. semester)

· TPHR504 Fagutvikling og praksis, 15 studiepoeng (vår 2. semester)

Utdanninga har 6 veker med obligatorisk praksis. Praksis blir gjennomført i tråd med forskrift om nasjonal retningslinje for tverrfagleg vidareutdanning i psykisk helse-,rus-, og avhengigheitsarbeid, og inngår i emnet Fagutvikling og praksis (emne 4). Sjå emneplan for nærmare skildring. For å få godkjent praksis, må studenten nå læringsutbyttet og oppfylle krav til 90% oppmøte i praksis.

Les meir om praksis for psykisk helse- og rusarbeid her.

Den tverrfaglege vidareutdanninga i rus og psykisk helse har eit eige team på campus Sogndal: Lillian Bruland Selseng, Mariann Vigdal og Brit Marie Follevåg. Leiar og kontaktperson for teamet er Lillian Bruland Selseng.

Haustsemester 2026

TPHR501 Perspektiv på psykisk helse, rusmiddelbruk og avhengigheit

Digital oppstart:
Veke 34: 17. august

Fysiske samlingar:
Veke 36: 31. august - 4. september (Førde, Haugesund og Bergen)
Veke 42: 12.-16. oktober (Førde, Haugesund og Bergen)
Veke 46: 9.-13. november (Førde, Haugesund og Bergen)

Digital undervisning:
Finn stad i/under samlingsvekene. Studentane treng ikkje å vera til stades på campus.

Digitale treffpunkt:
Det kan medreknast nokre digitale forelesningar mellom samlingane.

Eksamen: Skriftleg heimeeksamen.
Veke 49: 27. november – fredag 4. desember

TPHR503 Etikk, relasjon og samhandling

Fysiske samlingar:
Veke 39: 21. - 25. september (Bergen og Sogndal)
Veke 44: 26. - 30. oktober (Bergen og Sogndal
Veke 48: 23. - 27. november (Bergen og Sogndal)

I tillegg vil det komma nokre digitale undervisningsøkter.

Eksamen:
Veke 51

Med atterhald om endringar.

Studiet er samlingsbasert med ein klasse i Førde/Sogndal, ein klasse i Bergen og ein klasse i Haugesund.

Undervisninga er lagt opp med studentaktive samlingar, digitale og fysiske forelesningar, seminar med studentframlegg og diskusjon, gruppearbeid, øvingsoppgåver, ferdigheitstrening og rettleiingsgrupper.

Samlingane vil innehalde obligatoriske læringsaktivitetar. Mellom samlingane vert det forventa at studentar arbeider sjølvstendig med pensum, førebuing til samlingane og med oppgåver.

Vidareutdanninga i tverrfagleg psykisk helse- og rusarbeid kvalifiserer helse- og sosialarbeidarar til forebyggande, behandlande og rehabiliterande arbeid innanfor kommunale helse-, sosial-, og velferdstenester, psykisk helsevern og tverrfagleg spesialisert rusbehandling (TSB). Studentane tileignar seg kunnskap, ferdigheiter og generell kompetanse innanfor fagområdet psykisk helse og fagområdet rus og avhengigheit både kvar for seg og i samanheng.

Utdanninga kan inngå som ein del av spesialisering for sjukepleiarar, vernepleiarar, sosionomar og barnevernspedagogar.

Vil du studere meir?

Studiet gjennomførast som avsluttande vidareutdanning (60 stp.), men videreutdanninga tel også som første del av ein 120 stp Tverrfaglig master i psykisk helse- og rusarbeid. Fullført vidareutdanning gjev difor moglegheit til å søke seg vidare til 60 stp påbygg i Tverrfagleg master i psykisk helse -og rusarbeid, som ved fullføring gjev ein 120 stp mastergrad.

Fullført masterutdanning kan deretter kvalifisere for opptak på ph.d.-programma Helse-, funksjon-, og deltaking samt Responsible Innovation and Regional Development (RESINNREG) hos oss. Studiet vil også kunne kvalifisere til andre nasjonale og internasjonale doktorgradsprogram.

Krav til politiattest og skikkavurdering

Krav til politiattest
Det er krav om politiattest, jf. reglane koda med PKTH.

Skikkavurdering
Denne videreutdanninga / masterutdanninga har skikkavurdering, som er regulert av forskrift om skikkavurdering (skikkethetsvurdering). For meir informasjon sjå høgskulen si nettside om skikkavurdering eller forskrift om skikkavurdering.

Kvifor ta meir utdanning?

Eit arbeidsliv i rask endring er ei viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi: