Kvalitetssystem for utdanning
Det overordna målet for arbeid med kvalitet i utdanningane i HVL bygger på HVL sitt strategiske mål om at dei profesjons – og arbeidslivsretta utdanningane våre skal dekkje framtidas kompetansebehov.
Kvalitetssystemet gir føreseielege rammer for kvalitetsarbeidet, der roller, ansvar og prosessar er tydeleg definert og forankra i alle nivå av organisasjonen.
God organisering og leiing skal legge til rette for systematisk utvikling og forbetring av kvalitet i emne og studieprogram. Vi skal sikre medverknad frå tilsette og studentar gjennom å skape gode arenaer for evaluering og dialog, og sikring av god informasjonsflyt og tydelege rapporteringslinjer.
HVL innhentar og brukar informasjon i årlege og periodiske vurderingar av kvalitet i emne, studieprogram og studieportefølje, samt gjennomgang av informasjon om læringsmiljø og fagmiljø. Dette skal sikre at sviktande kvalitet blir oppdaga og retta opp raskast mogeleg.
Resultata frå det systematiske arbeidet med kvalitet på emne og studieprogram skal inngå i kunnskapsgrunnlaget ved vurdering og utvikling av kvaliteten i den samla studieporteføljen.
Kvalitetssystemet er vedtatt av styret og tar utgangspunkt i strategien til HVL.
