MGUNO202 Norsk på mellomsteget 2: Litteratur- og tekstkunnskap

Innhald og oppbygging

Lærarutdanningsfaget norsk er eit samansett og mangfaldig språk-, kultur- og litteraturfag og ein praksisarena for kvalifisert arbeid med språk og tekstar - i ulike sjangrar og modalitetar, frå fortid og samtid.

Norsk på mellomsteget 2: litteratur- og tekstkunnskap er andre del av Norsk 1 for GLU 5-10. I lag med emnet Norsk på mellomsteget 1: språk- og tekstkunnskap kvalifiserer dette til norskundervisning på mellomsteget. Høgskulen på Vestlandet tilbyr likevel Norsk for GLU 5-10 berre som 60-studiepoengs fag. Sentralt i Norsk på mellomsteget 2: litteratur- og tekstkunnskap står delemne knytt til arbeid med litteratur og tekst, som elementær tekstkunnskap, litteraturteori og litteraturdidaktikk, og dessutan arbeid med dei grunnleggjande ferdigheitene. Emnet legg også vekt på at studentane skal utvikle eigne språkferdigheiter, eigen tekstkompetanse og eiga formidlingsevne.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har omfattande tekst- og sjangerkunnskapar om munnlege, skriftlege og multimodale tekstar, både skjønnlitterære og sakprega, på nynorsk og bokmål, med vekt på teksttypar som er særleg relevante for mellomsteget
• har gode kunnskapar om lesing og lesestrategiar, og korleis elevar på mellomsteget kan vidareutvikle leseforståinga og leseferdigheitene sine
• har kunnskapar om nyare litteratur i ulike sjangrar og medium, på nynorsk og bokmål, for barn, unge og vaksne
• har kunnskapar om relevante litteraturteoretiske og litteraturdidaktiske omgrep og perspektiv
• har kunnskapar om samisk språk, litteratur og kultur
• har kunnskapar om vurdering og læremiddel, med vekt på mellomsteget.

Ferdigheiter

Studenten

• kan leggje til rette for at elevane får skrive både sakprega tekstar og fiksjonstekstar med ulikt føremål
• kan leggje til rette for at elevane får lese eit breitt utval litteratur, og at dei utviklar leselyst, gode lesestrategiar og litterær kompetanse
• kan analysere, tolke, vurdere og leie samtalar om tekstar, og presentere litterære innsikter på varierte måtar
• kan vurdere og ta i bruk nye metodar, ny teknologi og ulike norskfaglege læremiddel, digitale og andre, i arbeidet med den vidare leseopplæringa
• kan bruke kunnskap om språk og litteratur i fagleg arbeid med respons på og vurdering av skriftlege, munnlege og multimodale elevtekstar
• kan kjenne att teikn på lese- og skrivevanskar
• kan tilpasse undervisninga til elevar med ulik bakgrunn og varierande ferdigheiter i norsk
• meistrar nynorsk og bokmål og kan undervise elevar i begge målformer.

Generell kompetanse

Studenten

• kan leggje til rette for at elevane på mellomsteget vidareutviklar ferdigheiter knytt til lesing, tekst og litteratur, og at dei kan nytte desse ferdigheitene til aktiv deltaking i klasserommet og i andre sosiale arenaar
• kan planleggje, gjennomføre og reflektere over norskundervisning i sentrale emne og gjere greie for elev- og stegtilpassa fagdidaktiske val
• kan vurdere eigen praksis med gjeldande læreplanar, fagkunnskap og fagdidaktisk innsikt som grunnlag
• kan arbeide med språk og tekst i fleirspråklege og fleirkulturelle klassemiljø
• kan skrive akademisk på begynnarnivå.

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Undervisninga vil veksle mellom lærarstyrt klasseromsundervisning og varierte, studentaktive læringsformer. Innhaldet i undervisninga blir rekna som pensum, og dannar grunnlag for arbeid med ulike oppgåver, munnlege og skriftlege, på høgskulen og i praksis.

Obligatorisk læringsaktivitet

Studentane har tre obligatoriske læringsaktivitetar i emnet. Læringsaktivitetane inkluderer FoU-temaet akademisk lesing og skriving. Minst ein læringsaktivitet skal vere skriftleg, og minst ein skal vere munnleg.

Semesterplanen vil gi nærare retningslinjer for læringsaktivitetane. Alle tre må vere godkjende for at studenten skal kunne ta eksamen i emnet.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Det er krav om deltaking i 80 % av undervisninga.

Vurderingsform

Del 1: Skuleeksamen, 3 timar. Tel 40 % av endeleg karakter.

Del 2: Heimeeksamen, 2 dagar. Tel 60 % av endeleg karakter.

Karakterskala A-F, der F svarar til ikkje bestått. Både fagleg innhald og språkleg utforming blir vurdert.

Målform: Bokmål.

Begge delane må vere bestått for å få karakter i emnet. Ved ikkje bestått på ein av delane, kan den delen som ikkje er bestått, takast opp att åleine.

Hjelpemiddel ved eksamen

Skuleeksamen: Godkjend ordbok eller ordliste.

Heimeeksamen: Alle hjelpemiddel er tillatne. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no)

Meir om hjelpemiddel