Palliasjon
Etter- og vidareutdanning
Gjennom emnet Palliativ omsorg får du kompetanse til arbeid med alvorleg sjuke og døyande, både i sjukeheim, i dei heimebaserte tenestene og i spesialisthelsetenesta.
Kvifor studere palliasjon?
Utdanninga gir deg kunnskap til å bidra i heile det palliative forløpet i samarbeid med og respekt for pasienten og pårørande. Den gir deg ein særleg kompetanse som det er stort behov for både i dei kommunale helse- og omsorgstenestene og i spesialisthelsetenesta.
Kva lærer du?
Etter å ha gjennomført studiet vil du ha kunnskap om:
- Sentrale verdiar, føringar og faglege retningsliner innan palliasjon.
- Systematisk kartlegging av symptom og behov for hjelp av både fysisk, psykisk, sosial og eksistensiell karakter.
- Planlegging, gjennomføring og evaluering av symptomlindrande tiltak.
- Kommunikasjon med og ivaretaking av pasientar og pårørande.
- Tverrfaglig samarbeid med andre aktuelle profesjonsgrupper i den palliative omsorgen.
- Optimalisering av livskvaliteten til pasientar og deira familiar i møte med livstruande sjukdom.
Målgruppe
Studiet er for deg som er sjukepleiar og som jobbar i dei kommunale helse- og omsorgstenestene og i spesialisthelsetenesta.
Undervisningsform
Studiet er samlingsbasert og vi legg opp til tre samlingar, totalt 9 dagar. Vi har førelesingar, gruppearbeid, simulering, sjølvstudium, rettleiing og skriftleg arbeid.
Samlingar
Samlingar:
6.-8. februar
12.-14. mars
16.-18. april
Eksamensform
Individuell heimeoppgåve.
Emnet kan inngå som eit valemne på Master i avansert klinisk allmennsykepleie.
Sjå oversikt over alle våre vidareutdanningar og kurs
