Fleirkultur og interkulturell kommunikasjon i utdanningssystemet  (FLEKS) 

Forskingsprosjektet undersøker lærarstudentar si utvikling av interkulturell kompetanse i samanheng med kurset "Utdanning og berekraft" som inkluderer studieopphald i Tanzania og Zambia.

Den kvalitative studien ser på om det har skjedd ei transformativ læring ved at studentane har vore i ein afrikansk kontekst over ein periode i kombinasjon med teoriundervisning. Målet er ei auka bevisstheit rundt skilnadar i verbal og nonverbal kommunikasjon, der studentane kritisk vurderer sine eigne haldningar og verdiar i møte med andre kulturar. FN sine berekraftsmål, og spesielt mål nr 4, god utdanning, er knytt opp mot dette kurset. 

Sjå meir i Cristin. 

Forskingsprosjektet starta i 2009 og har følgt både norske studentar som har vore tre månader i Zambia og zambiske studentar som har vore 10 månader i Noreg. Alle studentane har hatt teori, praksis og prosjektarbeid gjennom faget Global Knowledge. Prosjektet har ført til mange publikasjonar med ny forsking med  fokus på transformativ læring.

Sjå Cristin for meir informasjon.  

Prosjektet starta i Zambia i februar 2018 med spørjeskjema til 80 andre årsstudentar ved lærarutdanninga i Livingstone, Zambia. Vår empiri er intervju med 25 av dei same studentane i november 2018 og nytt omarbeidd spørjeskjema til 120 nye studentar mars 2019. Fokus er korleis lærarstudentar omtalar den ideelle lærarrolla sett i frå eit kjønna og kulturelt perspektiv.

Presentasjonar frå prosjektet er meir skildra i Cristin a og b.

Prosjektet starta sommaren 2016 med fokus på fagleg leiing og fleirkulturelt handlingspraksis i fire barnehagar på Vestlandet. Empiri samla inn i perioden 2016 – 2018 er kvalitative spørjeskjema frå alle tilsette, intervju med pedagogiske leiarar, minoritetsspråkleg personale og styrarane. 

Prosjektet rettar seg mot endringsleiing og kompetanseheving knytt til fleirkulturell praksis, der etisk verdirefleksjon og arbeid med etisk dilemma er verktøy undervegs. Vårt fokus er blant anna  «Korleis beskriv personalet fleirkulturell praksis i eigen barnehage?» sett frå både dei minoritetsspråklege tilsette sitt perspektiv, frå pedagogiske leiarar og styrarane.

Sjå Cristin for meir informasjon.