Arbeid med kvalitet i barnehagelærarutdanninga

Merete Økland Sortland

Studieprogramleiar BLU

Studieprogramleiar har overordna ansvar for studieprogramma i barnehagelærarutdanninga, har hovudansvar for oppgåver i linje frå prodekan og er leiar for leiargruppe barnehagelærarutdanning.

Studieprogramleiar leiar arbeidet med kvalitet i programmet og sørgjer for at dette er i tråd med HVLs system for arbeid med kvalitet i utdanningane.

Leiargruppa ved barnehagelærarutdanninga består av studieprogramleiar og assisterande instituttleiarar med felles heilskapleg ansvar for å leie studieplanlegging, studiegjennomføring og studieutvikling i utdanninga. Gruppa har ansvar for studieleiing og utdanningskvalitet på tvers av campus.

Døme på ansvar og oppgåver er godkjenning av emne og studieprogram, dokumentasjon og utvikling av utdanningskvalitet, overordna ansvar for læringsmiljø og planlegging av utdanningsarrangement som studiestart, studentavslutningar med meir.

Leiargruppa lager årshjul med plan for oppgåvedeling. I tillegg samarbeider leiargruppa om  å finne gode løysingar for ansvars- og oppgåvedeling undervegs i studieåret. 

Medlemmer:

• Merete Økland Sortland, studieprogramansvarleg
• Ingrid Leversen, assisterande instituttleiar IIKN
• Guri Margrethe Giæver, assisterande instituttleiar IK
• Jannike Lyngtun, assisterande instituttleiar IPRS
• Ingrid Grønsdal. assisterande instituttleiar ISLMT
• Henriette Gitlesen Egge, administrativ utdanningskoordinator

Det administrative utdanningsteamet har saman eit felles ansvar for administrativ støtte til barnehagelærarutdanninga, i tillegg til å drive campusretta studierettleiing og praksiskoordinering. Teamet arbeider også med internasjonalisering i utdanninga, med hovedfokus på inn- og utreisande studentar.

Administrativ utdanningskoordinator har det overordna koordineringsansvaret, er teamleiar, sekretær for studieprogramrådet og sit i leiargruppa for utdanninga.

Studierettleiarane sine hovudoppgåver er knytt til rettleiing av studentar, kvalitetsarbeid og sakshandsaming. Studentane kan kontakte studierettleiar for sin campus med spørsmål om studium, utdanningsplan, tilrettelegging, val av fordjuping, godkjenning av utdanning frå andre utdanningsinstitusjonar, eller andre ikkje-faglege problemstillingar.

Praksiskoordinatorane organiserer og legg til rette for praksis. Dei informerer studentar, fagmiljø og eksterne samarbeidspartar om praksis i samarbeid med profesjonsrettleiarar og fagansvarleg for praksis. Praksiskoordinatorane har eit særleg ansvar for sakshandsaming og kvalitetsarbeid knytt til praksisopplæringa og for å rekruttere praksisstader og fordele studentane på dei ulike praksisstadane.

Administrativt utdanningsteam:

• Henriette Gitlesen Egge , administrativ utdanningskoordinator (alle campus)
• Anne Sætersdal Myklestad , studierettleiar Bergen
• Kirsti Møller Bruland , studierettleiar Sogndal
• Linn Kristin Thorsland Vihovde , studierettleiar og praksiskoordinator Stord
• Randi Gausemel , praksiskoordinator Bergen
• Marion Østenstad Sandal , praksiskoordinator Sogndal

Studieprogramrådet er eit rådgivande organ for studieprogramleiar og fakultetsleiing om utvikling av kvaliteten i studieprogrammet og læringsmiljøet.

Sjå mandat og medlemmar for studieprogramråd via denne lenkja

Kvar klasse skal velje ein tillitsvald, med vara. Dei to blir også representantar i referansegruppene som evaluerer emna som går det aktuelle studieåret. Oversikt over tillitsvalde skal vere tilgjengeleg i Canvas. Studieprogramleiar avklarer kven som har ansvar for å gjennomføre valet i dei ulike klassane og når valet skal gjennomførast. 

Meir informasjon om val av tillitsvalde og innmeldingsskjema finn du via denne lenka.

Profesjonsrettleiarane i BBL har ansvar for å følgje opp studentar og praksisstader. Dei samarbeider med studieprogramleiar om å utvikle godt læringsmiljø for studentane og godt samarbeid med praksisstadene. Profesjonsrettleiarane er hovudkontakt for studieprogramleiar, assisterande instituttleiarar, praksiskoordinator og studierettleiar ved studieprogrammet. Dei er faglege hovudkontakter for leiinga ved praksisstadane, praksislærarane og praksisrettleiarane til studentane, og har eit særleg ansvar for rettleiing og vurdering av studentar i praksis.

Studentar kan i det daglege gi tilbakemelding til faglærarar og emneansvarleg om korleis emnet fungerer. I hovudsak er referansegruppemøter valt som oppfølgingsform i emne på barnehagelærarutdanninga.

I referansegruppa deltek to studentar (klassetillitsvald og vara) i midtvegsevaluering og sluttevaluering av emnet. Her blir viktige aspekt som fagleg innhald og opplegg, læringsmiljø og læringsutbytte i emne diskutert saman med faglærarar og emneansvarleg.

Om det er valgt referansegruppe, kan ein student som har tilbakemeldingar på eit emne kontakte referansegruppemedlem som kan ta dette vidare til evaluering i referansegruppemøte. Les meir om referansegrupper her.

Oversikt over referansegruppemedlemmer skal vere synleg i Canvas og i Kvalitetshåndboka. I nokre emne vert det gjennomført klassemøter i staden for referansegrupper, der kvaliteten på emnet blir diskutert i plenum med studentar, faglærarar og emneansvarleg i emnet. Det blir også gjennomført jamnlege anonyme elektroniske evalueringar i alle emna i utdanninga.  

Problemstillingar knytt til emnet tas i hovudsak opp i referansegruppemøta. Om problemstillingar som er tatt opp i dette forumet ikkje fører fram, har studentar høve til å melde ifrå gjennom HVL sitt Sei ifrå-system.

Emneansvarleg for eit emne har det overordna faglege ansvaret i emnet. Det inkluderer ansvar for:

• emneplan
• timeplan
• pensumliste
• obligatoriske arbeidskrav
• vurdering
• gjennomføring og evaluering av emnet

Emneansvarleg er sentral for kvalitetsarbeidet på emnenivå ved å vere ansvarleg for kvalitetsutvikling og revidering av emneplan.

Du finn ei nærare oversikt over emneansvarleg sine oppgåver i denne lenka. 

Med utgangspunkt i det systematiske arbeidet med kvalitet i utdanningane for HVL har det blitt utarbeida retningslinjer og malar for referansegruppene:  

• Retningslinjer for referansegrupper i barnehagelærarutdanninga
• Mal møtereferat midtvegsmøte
• Mal møtereferat sluttmøte

• Rulleringsplan ekstern sensur, se under trekkspill-lenken Ekstern sensur

• For meir informasjon, sjå dette dokumentet.

Ansvar: studieprogramleiar og assisterande instituttleiar

• Innspel gjennom studieprogramråd
• Innspel gjennom møter med eksterne

Praksiskoordinatorane er ein del av administrativt utdanningsteam. Dei organiserer og legg til rette for praksis. Dei informerer om praksis i samarbeid med profesjonsrettleiarar og fagansvarleg.

Praksiskoordinatorane har eit særleg ansvar for å administrere praksisopplæringa og for å rekruttere praksisstader og fordele studentane på dei ulike praksisstadane. Praksiskoordinatorane utarbeider og evaluerer gjeldande retningslinjer og rutinebeskrivingar for praksisgjennomføringa. Praksiskoordinatorane samarbeider tett med profesjonsrettleiarane om gjennomføring av praksis i utdanninga.

I barnehagelærarutdanninga vert praksis evaluert gjennom ei eiga praksisevaluering i regi av praksiskoordinatorane.