BØA112 Organisasjon og leiing

Innhald og oppbygging

Emnet skal gi studentane ei innføring i grunnleggjande problemstillingar for organisering av og leiing i ulike typar verksemder. Emnet omhandlar grunnleggjande omgrep og teoriar om organisasjon, administrasjon og leiing, og legg vekt på å gi studentane oversikt over og innsikt i kva som skjer i organisasjonar, kva utfordringar dei står overfor, og kva konsekvensar det har for individ, organisasjon og samfunn.

Læringsutbytte

Ein kandidat skal oppnå følgjande læringsutbytte definert i kunnskap, ferdigheiter og generell kompetanse:

Kunnskap

Ved fullført emne har kandidaten kunnskap om omgrep og teoriar knytt til:

• måloppnåing og strategi i organisasjonar
• ulike organisasjonsformer og -strukturar
• forholdet mellom individ, organisasjon og omgjevnader
• organisasjonar sin legitimitet
• kultur, makt og konflikt i organisasjonar
• kommunikasjons- og avgjerdsprosessar i organisasjonar
• læring, innovasjon og endring i organisasjonar
• leiing i og av organisasjonar
• betydninga til den norske arbeidslivsmodellen for organisasjon og leiing i arbeids- og næringsliv

Ferdigheiter

Ved fullført emne kan kandidaten nytta ulike faglege perspektiv og teoretiske tilnærmingar for å:

• skildra korleis verksemder fungerer når det gjeld organisering og leiing
• analysera ulike problemstillingar for organisasjonar i offentleg og privat sektor
• skildra, drøfta og finna fram til tiltak for å handtera ulike utfordringar som oppstår i organisasjonar
• utforma tiltak som kan bidra til å fremja organisasjonar sin effektivitet, legitimitet og måloppnåing

Generell kompetanse

Ved fullført emne har kandidaten:

• evne til å jobba både sjølvstendig og saman med andre
• evne til å formidla fagstoff skriftleg på ein akademisk korrekt måte
• evne til refleksjon om organisasjonar, deira virkemåte og rolla i samfunnet

Krav til forkunnskapar

Inga

Tilrådde forkunnskapar

Inga

Undervisnings- og læringsformer

Undervisning og læringsaktivitetar i form av forelesingar, dialog, diskusjon, oppgåveløysing, sjølvstendig arbeid, gruppearbeid, bedriftsbesøk og/eller gjesteforelesingar.

Obligatorisk læringsaktivitet

2 gruppebaserte skriftlige innleveringsoppgåvar må vera godkjend før eksamen kan takast.

Vurderingsform

Skuleeksamen, 4 timar. Eksamen blir halden på digitalt eksamenssystem.

Tid og stad for eksamen blir opplyst på Studentweb.

Karakterskala A-F, der F svarer til ikkje bestått.

Hjelpemiddel ved eksamen

Inga

Meir om hjelpemiddel