BØA116 Marknadsføring
Emneplan for studieåret 2020/2021
På grunn av Covid-19 kan det skje endringar i emneplanar ved HVL hausten 2020. Endringar i den enkelte emneplanen vert publisert i Studentweb og Canvas, og når det er publisert endringar for eit emne der er det desse som gjeld, og ikkje emneplanen på nettsidene. Døme på endringar kan vere gjennomføring av praksis, eksamenstype, eller om det skal setjast bokstavkarakter eller bestått/ikkje bestått.
Innhald og oppbygging
Emnet skal gi studentane forståing for filosofien bak moderne marknadsføring og kjennskap til dei viktigaste verkemidla ein nyttar i marknadsføring. Gjennom teori og praktiske case-oppgåver vert kunnskapen utdjupa og praktisert.
Innhald:
- Marknadsføring som omgrep og fagområde
- Kjøpsåtferd
- Segmentering
- Marknadskommunikasjon
- Produkt og produktutvikling
- Prispolitikk
- Distribusjon
- Marknadsplanlegging
- Marknadsundersøking (metode)
- Juridiske rammevilkår
- Digital marknadsføring
- Bærekraft
- Internasjonal marknadsføring
Læringsutbytte
Kunnskapar
Studenten har:
- brei kunnskap om sentrale tema, teoriar, problemstillingar, prosessar, verktøy og metodar knytt til korleis organisasjonar;
- planlegg, organiserer og kontrollerer sitt marknadstilbod
- analyserer marknaden og forbrukaråtferda
- finn målgrupper og posisjonera seg
- kan tilpasse og nytte ulike konkurranseverkemiddel
- kunnskap om dagsaktuelle og gryande forsking og problemstillingar som er relevante for marknadsføringsfaget
- kunnskap om marknadsføringsfaget sin historie, tradisjonar, eigenart og plass i samfunnet
Ferdigheiter
Studenten kan:
- analysere og drøfte praktiske problemstillingar i lys av teoriar og modellar i marknadsføringslitteraturen og ta grunngjevne val
- kunne finne, vurdere og vise til relevant informasjon og fagstoff og framstille dette i lys av ei problemstilling
- kan beherske faglege verktøy og teknikkar
Generell kompetanse
Studenten:
- har evne til kritisk refleksjon rundt bruk av teoriar og modellar for å meistre utfordringar som marknadsførarar står over for
- kan formidle og drøfte marknadsføringsteori, -modellar og -analysar både skriftleg og munnleg
- kan gjere sjølvstendige refleksjonar kring etiske, miljømessige og juridiske utfordringar knytt til sentrale problemstillingar innanfor marknadsføring
- kjenner til nyskaping og innovasjonsprosessar frå eit marknadsføringsperspektiv
Krav til forkunnskapar
Ingen
Tilrådde forkunnskapar
ingen
Undervisnings- og læringsformer
Førelesingar, sjølvstudium, gruppearbeid, diskusjonar og små case som skal løysast i forelesinga.
Arbeidskrav
To arbeidskrav, der eitt er ei innleveringsoppgåve og det andre er i form av munnleg presentasjon eller deltaking på ei øving eller gjesteforelesing
Vurderingsform
Individuell digital fleirvalseksamen (skuleeksamen) (tel 33%).
Heimeeksamen over 48 timar i grupper på 3 til 4 personar (tel 67%).
Begge eksamenane må vere bestått for å få fullført emne.
Studentar som stryk til eksamen i ein av delane, går opp att til eksamen i berre denne delen.
Hjelpemiddel ved eksamen
Individuell digital fleirvalseksamen: Ingen
Heimeeksamen: Alle
Meir om hjelpemiddel