Praksis i skulefritidspedaogikk

Praksis i utdanninga skal tilsvare 70 arbeidsdagar, der det er planlagd for praksis på eigen arbeidsstad 1. og 4.studieår. Dersom du ikkje arbeider i SFO vil HVL skaffe praksisplass til deg. Praksis er fordelt på følgjande måte:

• 1.studieår: 
  • Haust: 10 dagar praksis på eigen arbeidsplass BSFPR101 Praksis 1, 1.studieår 
  • Vår: 20 dagar praksis på eigen arbeidsplass BSFPR102 Praksis 2, 1. studieår   
• 2.studieår:
  • Haust: 10 dagar praksis på ekstern praksisstad
  • Vår: Praksisfritt – høve til utvekslingsopphald inkludert praksis 
• 3.studieår:
  • Haust: Praksisfritt semester
  • Vår: 15 dagar praksis på ekstern praksisstad
• 4.studieår:
  • Haust: 15 dagar praksis på eigen arbeidsplass
  • Vår: Praksisfritt semester

1. studieår: 30 dagar praksis

Praksis kan gjennomførast samanhengande eller som punktpraksis.

Hausten 2025

• 10 dagar gjennomført innanfor veke 38 - 42
• Nettundervisning vil føregå på onsdagar

Våren 2026:

• 20 dagar praksis gjennomført innanfor veke 2 - 9 
• Nettundervisning vil føregå på onsdagar

Før du kan gjennomføre praksis må du:

• levere gyldig politiattest seinast tre veker etter du fekk studieplass
• melde deg opp til praksis og signere teieplikterklæring via Studentweb innan gjeldande frist
• sette deg godt inn i informasjon på denne nettsida 
• lese emneplanen for praksis for ditt aktuelle studieår

Du skal også gjere deg kjend med innhaldet i studieplanen for di utdanning. Den viser målsettingane for praksisopplæringa og vidare omfang og organisering av praksis i utdanninga:

Studieplan 2025-2026

Nedanfor finn du i tillegg nasjonale og lokale føringar for praksis:

Forskrift om studium og eksamen ved HVL (frå 1.8.2024)
Lov om universiteter og høyskoler (universitets- og høyskoleloven), frå 1.8.2024
Forskrift til universitets- og høyskoleloven (universitets- og høyskoleforskriften), frå 1.8.2024

Praksis kan gjennomførast individuelt eller i gruppe.

Ein praksisdag tilsvarar full stilling på 7,5 timar. Praksis skal gjennomførast både i SFO (ca 70%) og skule (ca 30%). Fordelinga må tilpassast skule/SFO sine opningstider og kva som er praktisk mogleg å gjennomføre. Studentane skal få erfaring både med oppstart og avslutting av SFO. Praksiskontakt* og student avtalar når studenten skal vere til stades på skulen og det må før praksis/ved oppstart av praksis lagast ein plan for oppmøtetider i praksisperioden.

Studenten skal vere på praksisplassen minimum 6 timar kvar praksisdag. Resten av tida jobbar studenten med for- og etterarbeid og andre praksisrelaterte oppgåver. Studenten må vere førebudd på at noko arbeid må gjerast utanom ordinær arbeidstid.

Som student i praksis skal du følge arbeidsdagen og arbeidsoppgåver til dei som jobbar i SFO og ta aktiv del i leik, aktivitet og anna innhald i SFO-dagen. I tillegg skal du få kjennskap og erfaring med jobb i skulen.

Praksisoppfølginga skal bli gjort av faglærar frå HVL i samarbeid med praksiskontakt på praksisstaden. Det er ikkje mogleg å bytte praksisplass i løpet av ein praksisperiode.

* Praksiskontakt ved skule/SFO: den som har dagleg ansvar for SFO eller andre som kan passe til oppgåva.

Du leverer eit skriv til leiinga på skulen som registrer skulen og deg som student i HVL sin praksisportal slik at HVL kan inngå formell avtale om praksis og lage praksislister. Praksiskoordinator skal godkjenne praksisplass før praksis kan starte.

HVL inngår formell avtale om praksis med den enkelte praksisstad. 

Dersom du har fått innvilga tilrettelegging vil HVL ha dialog med deg i samband med tildeling av praksisplass.  HVL har som mål at du som student på deltid skal få gjennomføre praksis i dagpendlaravstand til/frå heimstaden din dersom dette let seg gjennomføre (inntil 1,5 timar reisetid kvar veg). 

Tilgangen til praksisplassar er avhengig av kapasiteten skulane har. Du er difor ikkje garantert praksisplass der du ønskjer, og det kan ta tid før praksisplass er i orden for enkelte. 

HVL skaffar praksisplassar

HVL skaffar praksisplassar i følgjande kommunar og områder: Bergen, Sotra, Askøy, Osterøy, Sunnfjord, Nordfjord, Indre Sogn, Sunnhordaland og Haugalandet. Studentar skal ikkje ta kontakt med skular i desse områda.

Studentane skaffar praksisplass sjølv

Utanfor områda ovanfor finn studentane praksisplass sjølv. Du brukar då eit førespurnadsbrev frå HVL som ligg i Canvas. Brevet skal sendast til leiinga ved aktuell praksisskule. Praksiskoordinator skal godkjenne praksisplass før praksis kan starte.

Dersom du som student møter på utfordringar i arbeidet med å skaffe praksisplass, vil praksiskoordinator vere behjelpeleg.

• Møt førebudd og presis til avtalt tid på praksisskulen
• Føl opp arbeid og avtalar du har teke på deg og delta aktivt i arbeidskvardagen på praksisstaden. Det er viktig at alle på praksisskulen kan sjå på deg som ein påliteleg kollega.
• Ver bevisst på rolla di som ein tydeleg vaksen omsorgsperson.
• Rett deg etter reglementet på skule/SFO, set deg også inn i dei uskrivne normene og reglane.
• Ver aktiv i rettleiingsøktene
• Søk opp nødvendig informasjon sjølv.

Som student i praksis skal du:

• ta kontakt med praksiskontakt ved praksisstaden så snart du har fått tildelt praksisplass for å gjere nødvendige avtalar (mellom anna tid og stad for oppmøte)
• delta på i førebuing og etterarbeid på HVL, inkludert praksisførebuande møte
• ved punktpraksis sørge for at avtalt praksis ikkje kolliderer med undervisning/samlingar i regi av HVL
• gjennomføre heile arbeidsdagar fordelt på skule og SFO, med hovudvekt på SFO
• ta aktivt tak i eiga læring og bygge profesjonskompetanse i positivt samarbeid med andre aktørar
• vere tilstades på praksisstaden minimum 6 timar, tid til planlegging/arbeid med oppgåver kjem i tillegg
• få erfaring med både tidlegvakt og seinvakt
• følge og delta aktivt i dei aktivitetane og arbeidsoppgåvene som er ein del av ein tilsett i skule/på SFO sin arbeidsdag
• gjennomføre ulike oppgåver frå praksisstad og HVL
• vere ein ekstra ressurs i klassen og på SFO ved praksis på ekstern skule
• delta aktivt i rettleiingssamtalar med praksiskontakt på praksisstaden og faglærar ved HVL
• levere inn signeert sluttvurdering i Wiseflow innan oppsett frist

Rektor/praksisansvarleg ved praksisstaden skal:

• velge eigna praksiskontakt for studenten: den som har dagleg ansvar for SFO eller andre som kan passe til oppgåva
• inngå avtale med HVL og sende refusjonskrav til avtalt tid
• ha hovudansvar for praksisgjennomføringa og legge til rette for at studenten vert inkludert i skulen/SFO sitt personale og arbeidsmiljø
• sørge for oppfølging av studenten dersom praksiskontakt er vekke

Praksiskontakt ved praksisstaden skal:

• delta på praksisførebuande møte i regi av HVL
• ha det daglege ansvaret for oppfølging av studenten
• sikre at studenten får utføre oppgåver knytt til praksis, får delta i aktivitetar og arbeidsoppgåver som høyrer til ein tilsett i SFO sine daglege arbeisoppgåver
• gjennomføre rettleiingssamtalar med studenten
• samarbeide med faglærar frå HVL om studenten sin praksis 
• fylle ut vurderingsskjema og gjennomføre oppsummeringssamtale ved slutten av perioden, som inkluderer gjennomgang av vurderingsskjema

Emneansvarleg ved HVL skal:

• sørge for at studentane er førebudd til praksis og legge til rette for at undervisninga ved HVL er yrkes- og praksisrelevant
• planegge og gjennomføre praksisførebuande møte i regi av HVL
• følgje opp enkeltstudentar i praksis
• ha hovudansvar for rettleiing og vurdering av studentar i samarbeid med praksiskontakt
• følge opp rutinar ved varsel om fare for ikkje bestått praksis og vurdere om det bør sendast tvilsmelding om skikkaheit til HVL
• registrere «Bestått» / «Ikkje bestått» på sluttvurderinga i Wiseflow

Praksiskoordinator ved HVL skal:

• organisere og tilrettelegge praksisopplæringa og ha ansvar for avtalar med praksisstad
• informere studentar og praksisfelt om praksisopplæringa og bidra i planlegging og gjennomføring av praksisførebuande møte i samarbeid med emneansvarleg

Studieprogramleiar ved bachelor skulefritidspedagogikk:

• har fagleg ansvar for utdanninga inkludert praksisopplæringa

Praksiskontakt ved praksisstaden og emneansvarleg ved HVL har felles ansvar for endeleg vurdering av om studenten har bestått eller ikkje bestått praksis.

Emneansvarleg har ansvar for vurdering av studenten si gjennomføring av obligatoriske læringsaktivitetar i praksis. Studentane vert vurderte etter læringsutbyteformuleringane i emneplan for dei aktuelle studieåra. I tillegg er studentane under løpande skikkavurdering gjennom heile utdanninga. 

Praksiskontakt skal fylle ut skjema for sluttvurdering og eventuelt varsel om fare for ikkje bestått praksis (seinast halvegs i praksisperioden). Praksiskontakt går gjennom desse i individuell rettleiingssamtale med studenten.

Emneansvarleg ved HVL set endeleg sluttvurdering i Wiseflow. 

Innlevering av skjema for sluttvurdering skal gjerast av studenten i Wiseflow. Skjemaet er berre til intern bruk.

Vurderingsskjema kjem.

Varsel om fare for ikkje bestått praksis  

Dersom det oppstår tvil om du vil nå måla for læringsutbytta og bestå praksis skal praksiskontakt fylle ut skjemaet "Varsel om fare for ikkje bestått praksis". Dette skal skje så tidleg som mogleg og seinast halvvegs i praksisperioden. 

Ikkje bestått praksis  

Når du får praksis vurdert til ikkje bestått, har du brukt eitt forsøk og heile praksisperioden må takast om att neste gong praksisperioden vert arrangert ordinært. Dette kan få konsekvensar for studieprogresjonen din. 

Praksisopplæringa er obligatorisk. Sjå informasjon om krav til oppmøte. 

• Gi alltid beskjed til praksiskontakt om fråvær så snart som mogeleg (både planlagt fråvær og akutte situasjonar).
• Praksiskontakt kan godkjenne fråvær for enkelttimar og HVL treng ikkje melding om dette.
• Fråvær på ein dag eller meir skal meldast inn til HVL via fråværsskjema. Der kan du registrere gyldig/dokumentert fråvær i praksis eller søke om planlagd fråvær.

Som hovudregel skal alt gyldig fråvær takast opp igjen:

• Student og praksiskontakt finn saman tidspunkt for gjennomføring av utsett praksis.
• Studenten har ansvar for at dette blir gjort.
• Studenten må gi praksiskoordinator beskjed om det er nødvendig med utvida innleveringsfrist i Wiseflow.

I spesielle tilfelle vurderast det likevel i samarbeid mellom praksiskontakt og HVL kor mykje av fråværet som skal takast igjen.

HVL legg ikkje til rette for utsett praksis ved ugyldig fråvær. Ugyldig fråvær fører til at praksisperioden vert registrert som avbroten. Dette får same konsekvensar som ikkje bestått.

For å kunne vidareutvikle kvalitet i praksis treng vi at du gir ei tilbakemelding på korleis du har opplevd praksis. Du vil få meir informasjon om dette i Canvas. 

Emneplan haust 1. studieår:

Emneplan for Praksis 1, 1. studieår(BSFPR101) - Høgskulen på Vestlandet

Emneplan vår 1. studieår:

Emneplan for Praksis 2, 1. studieår(BSFPR102) - Høgskulen på Vestlandet