Opptakskrav og søknad
Opptakskrav
- Bachelorgrad innan helse- og sosialfag, psykologiske eller pedagogiske fag.
- Minst 2 års relevant yrkespraksis etter fullført utdanning.
Søkjarar med anna relevant utdanning kan bli vurdert for opptak.
Det er mogleg å kvalifisere for opptak på grunnlag av realkompetanse.
Søkjar har ansvar for å sørge for praksisplass, sjå meir informasjon i studieplan.
Søknadskode
3058 Master i familieterapi: Familieterapi og nettverksarbeid
3059 Master i familieterapi: Relasjonelt arbeid i organisasjonar
Om å søke opptak til HVL
Kvifor studere familieterapi og relasjonelt arbeid?
Gjennom studiet får du kompetanse om korleis møte menneske i livskriser, som samlivsbrot, sorg, overgrepsproblematikk og vald i nære relasjonar. Du kan også spesialisere deg i konsultasjonsarbeid knytt til samarbeid og konflikthandtering, til dømes på arbeidsplassen eller i skulen.
Du kan studere Familieterapi og relasjonelt arbeid ved campus Bergen.
Kva lærer du?
- samtaletilnærmingar og relasjonelle arbeidsmåtar
- individuelle samtaler, parterapi og samlivsstyrkende tiltak
- foreldrerettleiing og nettverksarbeid
- relasjonelt arbeid i organisasjoner og konflikthåndtering
Fleksibelt studietilbod
Du vel mellom to studieretningar:
- Familieterapi og nettverksarbeid, og
- Relasjonelt arbeid i organisasjonar
Kva kan du jobbe med?
Tar du studieretninga familieterapi og nettverksarbeid, blir du kvalifisert for terapeutisk arbeid, til dømes som familieterapeut.
Tar du studieretninga relasjonelt arbeid i organisasjonar, blir du kvalifisert for ulike typar relasjons- kommunikasjons- og dialogarbeid.
Det kan vere rådgiving, rettleiing, gruppeleiing, arbeid med pårørande, konfliktløysing og samarbeid på ulike nivå.
Med fullført mastergrad blir du også kvalifisert for å søke opptak til ph.d.-program.
Undervisningsform
Studiet er ein kombinasjon av samlingar og sjølvstudium. Det er fire vekesamlingar i løpet av studieåret.
Du får ei variert og studentaktiv undervisning. Vi har mellom anna førelesingar og seminar, og presentasjonar og diskusjonar om erfaringar frå praksis. I tillegg får du praktiske øvingar og ferdigheitstrening, og arbeid i grupper.
Mellom samlingane deltek du i grupperettleiing med ekstern rettleiar og læring ved eigen arbeidsstad eller hospiteringspraksis. For studieretninga familieterapi og nettverksarbeid er kravet 220 timar ekstern grupperettleiing og for studieretninga relasjonelt arbeid i organisasjonar er kravet 120 timar. I tillegg kjem sjølvstendig arbeid med masteroppgåva di. Gjennom heile studietida vil du ha dialog med medstudentar og undervisarar i den digitale læringsplattforma Canvas.
Samlingar
Første år
Dei 4 samlingane for første studieår (a 4-5 dager) er:
- samling: 11.september – 14. september (veke 37/2023, Geilo)
- samling: 6. november - 10. november (veke 45/2023, Bergen)
- samling: 19. februar - 23. februar (veke 8/2024, Bergen)
- samling: 22. april - 26.april (veke 17/2024, Bergen)
Andre år
2023 haust: 39, valemneveke, 24
vår: veke 11 og 23
Tredje år
2023 haust: veke 39, 48, 24
vår: veke 5, valemneveke og 17
Fjerde år
2023 haust: veke 38, 46, 24
vår: veke 4 og 22
Viktig informasjon om praksis
Du kan ha praksis ved eigen arbeidsplass eller hospiteringspraksis ved anna eigna stad.
Viss du vel studieretninga familieterapi og nettverksarbeid må du:
- gjennomføre praksis i terapeutisk arbeid med barn, unge, eldre, enkeltpersonar, par, foreldre, familiar, nettverk og grupper
- oppfylle kravet om 320 timar terapeutisk praksis i løpet av studiet og før innlevering av masteroppgåva.
Om du vel studieretninga relasjonelt arbeid i organisasjonar må du:
- gjennomføre praksis til dømes innan rådgjeving og rettleiing, gruppeleiing, teamarbeid, nettverksarbeid, pedagogisk arbeid, leiing og kompetanseutvikling. Det kan også vere ulike formar for krisehandtering, støttesamtalar, tilrettelegging, bistand- og pårørandearbeid.
Studieavgift og betaling
Studiet har studieavgift på 17.000 kroner pr. semester, i tillegg til semesteravgift.
I studieavgiften inngår:
- Undervisning på samlingar
- Tilgang til elektroniske læremiddel på internett
- Tilbakemelding og oppfølging av oppgåver og øvingar til den enkelte student
- Sensur av eksamen og karakterutskrift
I tillegg kjem kostnadar til ei intensivsamling på Geilo, ca kr. 1400,- pr. døgn inkl. fullpensjon. Forventa timepris pr. person for ekstern grupperettleiing er ca. kr. 150–200.
Vil du ta påbygg til master?
Har du allereie tatt vidareutdanning i familieterapi eller ei anna relevant relasjonell vidareutdanning, kan du søke direkte til 3. studieår. Her kan du lese om påbygg til masterprogrammet.