Samtidsdagane 2025

Samtidsdagane 2025 blir arrangert tysdag 28. januar og onsdag 29. januar.

Program (med atterhald om endringar)

Program 2025

Tysdag 28.januar

Kl. 09.00 – 09.05 – Opning av Samtidsdagane 2025
Christine Øye, Prorektor for forsking, Høgskulen på Vestlandet 

Øyvind Kyvik (H) varaordførar, Stord kommune

Kl. 09.05 – 10.00:
Stad: Høgskulen på Vestlandet, Campus Stord, AULA

Krigen mellom Russland og Ukraina
v/ Morten Jentoft, Kåre Johan Mjør og Leif Tore Trædal

Den grufulle krigen mellom nabolanda Russland og Ukraina går snart inn i sitt tredje år og ligg som eit mørkt bakteppe over Europa. Journalist og forfattar Morten Jentoft har dekt Ukraina og Russland i snart 30 år og følgjer situasjonen mellom dei to landa tett. I denne programposten vil han gi eit oppdatert bilete på det som skjer i konflikten.

Etter innlegget vil Kåre Johan Mjør, førstelektor i russisk ved Universitetet i Bergen og førstebibliotekar ved Høgskulen på Vestlandet, delta i ein samtale med Jentoft med utgangspunkt i det historiske bakteppet for det som no skjer. Mjør har doktorgrad om russisk historiografi og har skrive ei lang rekkje artiklar om russisk idéhistorie. I 2023 gav han ut boka "Ein kort introduksjon til Sovjetunionen"

Samtalen blir styrt av førsteamanuensis Leif Tore Trædal frå Høgskulen på Vestlandet.

Kl. 10.15 – 11.00
Stad: Høgskulen på Vestlandet, Campus Stord

1178 netter. Historien om et tvangsekteskap
 v/ Daniella,  Marte Spurkland og Vibeke Samsonsen

Som 13-åring blir Daniella gift med ein eldre fetter og lever som gift kvar helg. Etter tre år i tvangsekteskapet flyktar ho og varslar norske styresmakter. Korleis kunne dette gå føre seg - i Noreg, i samtida vår? Kvar kan du rømme når din næraste familie ikkje vil hjelpe deg? Og korleis kjem du levande ut av ei ungdomstid prega av skam overgrep og truslar?

I programposten «1178 netter» fortel Daniellas ei nådelaus historie om æreskultur i fri dressur. Kva kan Daniella si historie fortelje oss om å leve i æreskultur?

I programposten deltek også førsteamanuensis Vibeke Samsonsen frå Høgskulen på Vestlandet. Samsonsen har sjølv jobba over 20 år i barnevernet og har forska på barnevernets undersøkelser og samarbeid med andre deler av hjelpeapparat i krevande saker

Programposten er basert på den kritikarroste boka «1178 netter. Historien om et tvangsekteskap»

Kl. 11.15 – 12.00 
Stad: Høgskulen på Vestlandet, Campus Stord

Skapt for ære
v/ Jawad Raja, Vibeke Samsonsen og Leif Steinar Alfsvåg

Då han var 15 år rømde Jawad Raja til barnevernet. Dei neste åra bruker han på å lausrive seg frå æreskulturen til familien, finne ut kven han er, kven han kan bli og vegen fram til forsoning. I denne programposten fortel den eldste sonen til Abida Raja om oppveksten i ein norskpakistansk familie på 2000-talet, om å tilhøyre ein ny generasjon som gjer opprør mot truslar, vald og kontroll. Det er historia om ein ung mann som bryt ut av familien, og kjempar for å bli eit betre menneske. Programposten byggjer på boka «Skapt for ære»

I programposten deltek også førsteamanuensis Vibeke Samsonsen frå Høgskulen på Vestlandet. Samsonsen har sjølv jobba over 20 år i barnevernet og har forska på barnevernets undersøkelser og samarbeid med andre deler av hjelpeapparat i krevande saker

Samtalen blir styrt av Leif-Steinar Alfsvåg, Høgskulen på Vestlandet.

Kl. 11.15 – 12.00 
Stad: Høgskulen på Vestlandet, Campus Stord

Historia om Arve Beheim Karlsen
v/ Brynjulf Jung Tjønn, Monica Skaten og Thor Erik Sortland

Ein vårkveld i 1999 blir indiskadopterte Arve Beheim Karlsen jaget av to ungdommar som roper rasistiske truslar etter han. To dagar seinare blir Arve funnen drukna i Sogndalselvi. Saka skakar heile landet.

 I 2025 kjem forfattar Brynjulf Jung Tjønn ut med bok om hendinga, rettssaka, og om det den gong «uskuldige» Noreg. Under Samtidsdagane 2025 kjem den premierte forfattaren Jung Tjønn til Stord for å fortelje og samtale om den aktuelle boka.

I samtalen deltek også dei to førsteamanuensisane Thor Erik Sortland og  Monica Hauge Skaten, Institutt for pedagogikk, religion og samfunnsfag, Høgskulen på Vestlandet.

Kl. 12.00 -13.00 Lunsj

Kl. 13.00 – 1345
Stad: Høgskulen på Vestlandet, Campus Stord

« På én betingelse » - bokbad med U-prisvinnar Neda Alaei

Neda Alaei vann Uprisen – årets ungdomsbok, i 2024 for romanen «På én betingelse»

I vinnarboka følgjer vi ein person gjennom ein vanskeleg del av livet, vi får kjennskapar til kva det gjer med personen; korleis han påverkar og blir påverka, og kva han ønskjer å oppnå i eige liv.  Forfattar og prisvinnar Alaei kjem til Stord for å delta i ein boksamtale om boka.

I samtalen deltek også elevar frå Nysæter ungdomsskule. Elevane ved skulen var ein del av juryen til årets U-pris. 

Samtalen blir leidd av grunnskulelærarstudentar ved Høgskulen på Vestlandet

Kl. 14.00 – 15.00
Stad: Høgskulen på Vestlandet, Campus Stord

Første klasse. Det året vi lærte bokstavene
v/ Bjørn Arild Ersland, Hege Myklebust og Kari Nessa Nordtun

Begynneropplæring, lesing og evalueringar av 6-årsreforma har prega debattane i skulen dei siste månadene. Korleis står det eigentleg til med elevane?

 I denne programposten vil førsteamanuensis Hege Myklebust frå Høgskulen på Vestlandet leia ein samtale med forfattar og professor i skrivekunst ved UiS, Bjørn Arild Ersland og kunnskapminister Kari Nessa Nordtun(AP)

Programposten byggjer på den kritikarroste boka «Første klasse - det året vi lærte bokstavane»

Onsdag 29.januar

Kl. 10.00 – 11.00
Stad: Høgskulen på Vestlandet, Campus Stord

Helhetlig seksualitetsundervisning for barn og unge. Ei innføring for lærarstudentar v/  Marianne S. Nilsen

Forskning som er gjort på seksualitetsopplæring viser at undervisninga varierer for mykje og ikkje er tilstrekkeleg. I denne programposten vil forfattar Marianne S. Nilsen innleie om kva seksualitetsundervisning er, kva vi veit om effekten av han, og kvifor han er viktig. Ho vil  snakke om kva som kan vere ein god, heilskapleg seksualitetsundervisning. Ho vil også snakke om seksualiteten, kjønns- og seksualitetsmangfaldet til barna og unge og seksuelle overgrep og -krenkingar.

Foredraget byggjer på boka «Heilskapleg seksualitetsundervisning i skulen. Ei innføring for lærarstudentar»

Kl. 11.15 – 12.15
Stad: Høgskulen på Vestlandet, Campus Stord

"Pornoprat - slik tar du den viktige samtalen med barn og ungdom»
v/ Ragnhild Lindahl Torstensen

Ragnhild Lindahl Torstensen er forfattar av boka "Pornoprat - slik tar du den viktige samtalen med barn og ungdom».  Ho er i dag stipendiat ved Høgskolen i Østfold og kjem til Stord for å snakke om forskinga hennar på eksponeringa til barn og unge for pornografi gjennom digitale plattformer, og om utfordringane og høva skulen har til å styrkje kritisk tenking i skuleundervisning om digital pornografi.

Onsdag 29 januar

Kl. 20.00 – 21.30
Stad: Stord kulturhus

Skjerm barna
v/ Maja Lunde, Hege Myklebust, Lars Bakka, Inger Christin Hystad Barane og Gaute Epland

Forfattar og medieviter Maja Lunde kjem til Stord med den nye boka si «Skjerm barna».

Lunde er utdanna medieviter og har orientert seg breitt i forskinga på skjermbruk og kva dette gjer med barn og unge. I boka roper ho ein stor varsko om alt det som barn mistar når dei er så mange timar av døgnet med ein skjerm. Lunde skriv engasjert om korleis skjermane dominerer livet, sjølv om forsking peikar på uheldige effektar. Kva kan vi gjere for å snu denne utviklinga? Korleis kan vi avgrense skjermbruk, både som individ og samfunn?

Etter foredraget vil Maja Lunde delta i ein samtale med rektor ved Sagvåg skule Lars Bakka, lærar på Stord vidaregåande skule Gaute Epland, grunnskulelærarstudent på Høgskulen på Vestlandet Inger Christin Hystad Barane, og førsteamanuensis ved Høgskulen på Vestlandet Hege Myklebust.

Samtalen blir leidd av Svein Olav B. Langåker, redaktør i Framtida Junior.

NB – Arrangement krev at du har billett.