Nautikk med integrert praksis

Kvifor studere nautikk?

Bachelor i nautikk med integrert praksis ved HVL er den første utdanninga i sitt slag i Norge.

Du kan studere nautikk med integrert praksis ved campus Haugesund.

Dette er ei praksisnær leiarutdanning som gir deg relevant kompetanse og gode jobbmoglegheiter rett etter studiet. Å studere nautikk i den maritime byen Haugesund gjer at du som student vil vere i tett kontakt med den lokale næringa. På HVL i Haugesund finn du eit toppmoderne simulatorsenter kor du som student får prøve deg på dei praktiske oppgåvene innan nautikk.  

I studiet lærar du mellom anna å:

• Planlegge og gjennomføre seglas i ulike farvatn.
• Administrere og leie mannskap om bord.
• Utføre oppgåver om bord på ein trygg måte for mannskapet, skipet og omgjevnadene.
• Sikre trygg lasting, transport og lossing av last

• Planlegge og vurdere risiko.

Tidlegare måtte du skaffe deg praksis sjølv i etterkant av studiet, men no er praksis tatt inn i studiet og gir deg alt du treng for å løyse dekksoffisersertifikat. Du vil difor kunne gå direkte ut i jobb som styrmann etter fullført utdanning, utan å måtte gå vegen om kadettstilling.

Har du ikkje generell studiekompetanse? Viss du har relevant fagbrev som matros eller fiskar, kan du ta nautikk gjennom y-vegen. 

Utdanner seg til jobb på sjøen

Bjørn Olav har alltid likt seg på sjøen, og valgte derfor å studere nautikk. Han forteller at det nye studietilbudet med integrert praksis gjorde studievalget enkelt.

Møt Bjørn Olav

Praksis

Som student vil du dra ut i praksis til sjøs kvart studieår – lengda på praksisperiodane vil variere. For å sikre alle studentane gode praksisplassar samarbeider vi tett med reiarlaga i regionen vår. 

Praksis er obligatorisk i studiet og dekker dei formelle krava til fartstid i den praktiske delen av utdanninga. Samla sett utgjer praksisperiodane 60 studiepoeng. Praksisperiodane har ulik lengd (frå 4 til 8 veker) og er fordelte over dei fire åra utdanninga varer.

Praksisperiodane går føre seg om bord på skip, og ein må kunne mønstre på og av kvar som helst i verda. Du må derfor ha gyldig pass under heile studietida. Du bør heller ikkje ha noko på vandelen som kan gjere det vanskeleg å søke visum. Høgskulen på Vestlandet kan ikkje garantere praksisplass dersom du på grunn av vandel ikkje får visum og dermed heller ikkje kan reisa i praksis.

Mer enn bare nautiske fag

Anna var tydelig på hva slags arbeidsdag hun ønsket for fremtiden, og valgte studieretning deretter. En ettertraktet lederutdanning som byr på mye og bred kunnskap.

Møt Anna

 

Møt oss!

Usikker på studievalet? Sjekk kva arrangement vi har for å hjelpe deg å velje utdanning.

Les meir

Korleis er undervisninga?

Du skal være godt rusta for yrkeslivet som møter deg etter studietida. Difor er vi oppteken av at du får innblikk i arbeidslivet gjennom heile utdanninga. Dette skjer mellom anna gjennom praksisperiodar, simulatortrening, gjesteførelsingar frå næringa og bedriftsbesøk.

Undervisninga vekslar mellom førelesingar, praksis, praktiske øvingar, oppgåveløysing, gruppearbeid, presentasjonar, diskusjonar, bedriftsbesøk og sjølvstudium. Praksisperiodane er sentrale i studiet og bind saman teori og yrkesliv.

Ein annan viktig del av utdanninga er simulatorøvingar. Vi har eit toppmoderne simulatorsenter ved campus Haugesund der du kan omsetje teori til praksis og samstundes bli kjend med utstyret du skal bruke i jobben om bord.

Les mer om prakissoppholdet til våre tidligere studenter Vebjørn og Karl-Henrik

Utveksling

Grip sjansen til å oppleve verda medan du studerer! Det er tilrettelagt for studieopphald i utlandet.