Maskiningeniør | Haugesund

Kvifor studere maskiningeniør?

Maskiningeniøren designar, produserer, driftar og vedlikeheld produkt og produksjonsutstyr. Ein maskiningeniør utviklar også arbeidsmetodar for å produsere og styre produksjonsprosessar, og speler ei viktig rolle i den fornybare energiomstillinga. Arbeidet går ofte føre seg i team saman med andre ingeniørar og yrkesgrupper, og ved bruk av avansert dataverktøy.

På maskiningeniørstudiet i Haugesund får du eit godt grunnlag til å jobbe med eksisterande teknologi og bruke den til å utvikle nye produkt og løysingar. Utdanninga i maskiningeniør er bygd opp i nært samarbeid med industrien i Haugesundsregionen. Haugesundsregionen har mange og fleire store verksemder som treng maskiningeniørar.

I Haugesund blir du som student del av eit tett og inkluderande miljø, med kort veg mellom forelesar, medstudent og industrien. Campus ligger sentralt, og du får tilgang til laboratoriefasilitetar og verkstad.

Du kan utdanne deg til maskiningeniør ved HVL i både Bergen og i Haugesund. 

Dekker du ikkje opptakskravet?

Har du relevant fagbrev, men ikkje generell studiekompetanse, kan du ta den yrkesfaglege vegen (y-vegen). Her går du eit tilpassa løp og startar med mattekurs i juni. Les meir om y-vegen.  

Har du generell studiekompetanse, men manglar matte og fysikk, kan du ta tresemesterordninga (TRES). Du tar matte på sommaren, og fysikk på hausten medan du startar på ingeniørutdanninga. Les meir om TRES. 

Både y-vegen og TRES tar du på tre år, så du mistar ikkje noko tid!

Skal du søke på y-veg, TRES eller forkurs må du søke via  vår lokale Søknadsweb. Søknaden går ikkje gjennom Samordna opptak. 

Du kan også ta realfagskurs i Haugesund.

Studentjobb i Haugesund 

Gjennom prosjektet studentjobb kan du skaffe deg relevant deltidsjobb mens du studerar. 

Korleis er undervisninga?

Arbeids- og undervisningsformene varierer noko frå fag til fag. Det er førelesningar, gruppearbeid, praktisk arbeid i laboratorium, og i tillegg sjølvstudium. Du får ta i bruk ulike dataverktøy til utrekning, teikning og styring av maskiner og prosessar. 

Som student ved HVL kan du også reise på utveksling og kombinere ingeniørfagleg kompetanse med unike kultur- og naturopplevingar. 

Siste semester skriv du bacheloroppgåve. Prosjektet omfattar ei konkret ingeniørfagleg arbeidsoppgåve, ofte i samarbeid med næringslivet.

– Får utfordra meg sjølv

Maria Ellingsen utdannar seg til maskiningeniør i Haugesund. Framtidsdraumen er å jobbe med prosessar og produksjon i industrien slik at den kan bli meir berekraftig.

Møt Maria

 

Møt oss!

Usikker på studievalet? Sjekk kva arrangement vi har for å hjelpe deg å velje utdanning.

Les meir

Utveksling

Grip sjansen til å oppleve verda medan du studerer! Utdanninga legg til rette for at du kan ta eit semester ved eit universitet eller ein høgskule i utlandet om du ønsker det.