Ergoterapi

Kvifor studere ergoterapi? 

Utgangspunktet til ergoterapeutar er knytt til menneske sitt behov for å vere i aktivitet. Ein ergoterapeut skal fremje deltaking i meiningsfulle aktivitetar ved å bruke kunnskap og ferdigheiter om korleis samspelet mellom person, aktivitet og miljø påverkar aktivitetsutføringa.

Ergoterapeutar er mellom anna nøkkelpersonell innan rehabilitering, ved å legge til rette for at ein person eller ei gruppe kan fungere best mogleg i kvardagen. Aktivitets- og funksjonsanalyse, metodisk og terapeutisk bruk av aktivitet, opptrening, rettleiing, tilrettelegging og tilpassing av aktivitet og/eller omgjevnader, er noko av det som inngår i arbeidsoppgåvene til ergoterapeuten.

Du kan studere ergoterapi ved campus Bergen. 

Kva lærer du?

• Å vurdere menneske sin funksjon, aktivitetsutføring og omgjevnader.
• Korleis bruke behandling, opptrening, tilpassing av aktivitet og/eller omgjevnader eller tekniske hjelpemiddel som trengst i heim, arbeid, skule og fritid.
• Du har også undervising knytt til aktivitetsteoriar og -modellar, rehabilitering, kvardagsrehabilitering, velferdsteknologi, universell utforming, innovasjon, nevrologi, kroniske sjukdommar og grunngiving for intervensjon. 

Som ergoterapeut arbeider du for å fremje helse, meistring, deltaking og livskvalitet. Dette krev at du har kunnskap om personar sine forutsetningar for aktivitet og deltaking, og derfor kunnskap om mellom anna psykologi, anatomi, fysiologi, sjukdomslære, etikk, pedagogikk, kommunikasjon og andre relaterte tema.

Kva gjer ein ergoterapeut?

Korleis er undervisninga?

Undervisningsformene vekslar mellom forelesingar, basisgruppearbeid, ferdigheits- og simuleringstreningar, workshops og seminar. Studentaktive læringsmetodar blir vektlagt. 

Kaja hjelper mennesker å mestre hverdagen

Ergoterapeut Kaja Bredesen synes det beste med jobben sin er å hjelpe mennesker til å oppleve mestring og være mest mulig selvstendige i egne liv.  

Les mer her

Praksis

• 1. studieår: 3 dagar (introduksjonsveke) + 7 veker
• 2. studieår: 11 veker
• 3. studieår: 11 veker

Du må rekne med reising i fleire av praksisperiodane. Vi har praksisplassar i Vestland og Agder. 

Her finn du meir informasjon om praksis for ergoterapi

Praktisk utdanning med mange muligheter

Ine trivst godt på ei praktisk utdanning som ergoterapi. Når ho er ferdig ønsker ho å jobbe innan rehabilitering.

 

Møt oss!

Usikker på studievalet? Sjekk kva arrangement vi har for å hjelpe deg å velje utdanning.

Les meir

Utveksling

Grip sjansen til å oppleve verda medan du studerer! Det er tilrettelagt for studieopphald i utlandet i 2. og 3. studieår.